نیب این آر او ٹو کے باعث ایون فیلڈ فلیٹس کیس پر سپریم کورٹ میں اپیل دائر نہیں کر رہا، فرخ حبیب
اسلام آباد (قدرت روزنامہ)پاکستان تحریک انصاف (پی ٹی آئی) کے رہنما فرخ حبیب نے کہا ہے کہ نیب این آر او ٹو کے باعث ایون فیلڈ فلیٹس کیس پر سپریم کورٹ میں اپیل دائر نہیں کر رہا۔سوشل میڈیا پر فرخ حبیب نے ویڈیو بیان میں کہا کہ چیف جسٹس آف پاکستان کو اس کھلے عام این آر او کا نوٹس لینا چاہیے۔
تحریک انصاف کے رہنما نے کہا کہ اسلام آباد ہائیکورٹ کے مریم صفدر کی سزا کے خاتمے کے فیصلے کے خلاف نیب نے اپیل دائر نہیں کی، ایون فیلڈ فلیٹس میں بھی وہی تاریخی دہرائی جارہی ہے۔فرخ حبیب نے کہا کہ حدیبیہ ملز کیس میں سزا خاتمے پر نیب نے سپریم کورٹ میں اپیل دائر نہیں کی تھی۔
NRO 2 کی وجہ سے ایون فیلڈ فلیٹس کیس میں IHC کی جانب سے مریم صفدر کی سزا کے خاتمہ کے فیصلہ کیخلاف نیب سپریم کورٹ میں اپیل دائر نہیں کر رہا ہے۔
وہی تاریخی دہرائی جارہی جیسے حدیبیہ ملز کیس میں سزا خاتمہ پر نیب نے شریف خاندان کیخلاف سپریم کورٹ میں اپیل دائر نہیں کی تھی pic.twitter.com/gkthRftjlx— Farrukh Habib (@FarrukhHabibISF) December 14, 2022
پی ٹی آئی رہنما کا اپنے بیان میں کہنا ہے کہ نیب کیسز پر ٹیکس ادا کرنے والوں کے اربوں روپے خرچ ہوئے اور اب نیب پی ڈی ایم کی کرپشن کے تحفظ کا ادارہ بن گیا ہے۔
انہوں نے سوشل میڈیا پر لکھا کہ شہباز شریف نے رجیم چینج آپریشن کے بعد نیب ترامیم بل پاس کرا کر این آر او ٹو لے لیا ہے۔