پاک افغان بارڈر پر سیکیورٹی الرٹ

(قدرت روزنامہ)افغانستان کے دارالحکومت کابل میں بم دھماکوں کےبعد پاک افغان بارڈر پر سیکیورٹی الرٹ کردی گئی ۔

لیویز حکام کے مطابق پاک افغان بارڈر پر آنے جانے والوں کی سخت نگرانی کی جارہی ہے جبکہ باب دوستی سے پیدل آمد و رفت اور تجارتی سرگرمیاں معمول کےمطابق جاری ہیں۔

حکام نے بتایا کہ افغانستان میں حالات کے پیش نظر سرحد پر سیکیورٹی میں غیرمعمولی اضافہ کیا گیا ہے۔

اس کے علاوہ اندرون ملک جانے والی قومی شاہراہ کی چیک پوسٹوں پر بھی سخت چیکنگ جاری ہے۔