عامر لیاقت کی تیسری اہلیہ دانیہ شاہ کی والدہ کے ہوشربا انکشافات
اسلام آباد (قدرت روزنامہ)رکن قومی اسمبلی ڈاکٹر عامر لیاقت کی تیسری اہلیہ دانیہ شاہ کی والدہ سلمیٰ بی بی نے ہوشربا انکشافات کر دئیے . دانیہ کی والدہ نے میزبان کی پہلی سابقہ اہلیہ بشریٰ اقبال اور تحقیقاتی ادارے ایف آئی پر سنگین الزامات لگائے ہیں .
سماعت کے بعد انہوں نے میڈیا سے گفتگو کرتے ہوئے ایف آئی اے اور کیس کی مدعی بشریٰ اقبال پر الزامات لگاتے ہوئے کہا کہ بشریٰ اور اس کے بچوں پر اللّٰہ کا قہر برسے گا، بشریٰ نے تعلقات کی بنا پر دانیہ کو گھر سے ننگے پیر اور بغیر چپل کے کراچی اٹھوایا ہے .
View this post on Instagram
سلمیٰ بی بی کا کہنا تھا کہ ایف آئی اے کی ٹیم دانیہ شاہ کو کراچی برہنہ حالت میں لے کر آئی ہے، یہ سب بشریٰ کروا رہی ہے، ہمارے ساتھ زیادتی اور ظلم ہوا ہے .
دانیہ کی والدہ نے کہا کہ میری بیٹی عامرلیاقت کی بیوہ اور حق دار ہے، ہم شروع سے اس مؤقف پر قائم ہیں کہ عامر لیاقت کا قتل ہوا ہے، پوسٹ مارٹم کروائیں، بشریٰ کیوں روک رہی ہے؟
انہوں نے کہا کہ ہم عامر کے مرنے کی وجہ پوچھ رہے ہیں اور یہ لوگ ہم پر کیس کر رہے ہیں؟ ایف آئی اے نے ہم پر کیس کیا، لودھراں پولیس اور ایف آئی اے کے 10 لوگ تھے جنہوں نے میرا ہاتھ توڑا، بچی کو مارا اور لودھراں سے کراچی لے آئے .
View this post on Instagram
دانیہ شاہ کی والدہ کا کہنا تھا کہ بشریٰ اقبال کا مقصد جائیداد ہے، اسے لیے میری بیٹی کو پھنسایا جارہا ہے، بشریٰ نے عامر کے ساتھ بھی زیادتی کی اور اب میری بیٹی کے ساتھ بھی زیادتی کررہی ہے، عامر کا قتل ہوا ہے اس کی روح کو بھی انصاف ملے گا اور میری بیٹی کو بھی انصاف ملے گا .
سلمیٰ بی بی نے کہا کہ بشریٰ کہہ رہی ہے عامر کی کوئی پراپرٹی نہیں ہے مگر عامر کی اربوں کی پراپرٹی ہے، عامر کے قتل کی کارروائی ہونی چاہئیے، جو جرم میں شامل نکلے اس کے خلاف کارروائی ہو .
انہوں نے بشریٰ اقبال پر الزامات لگاتے ہوئے کہا کہ عامرلیاقت کے بیٹے نے غسل کے وقت اِن کے جسم پر نشان دیکھ لیے تھے، اسی لیے وہ بھاگ گیا کیوںکہ اسے پتہ چل گیا تھا کہ میرے باپ کا قتل ہوا ہے اور میری ماں اس قتل کو چھپا رہی ہے .
View this post on Instagram
خلع کے حوالے سے دانیہ کی والدہ نے بتایا کہ کہ ہم نے درخواست دائر کی تھی لیکن دانیہ اور عامر کی خلع نہیں ہوئی تھی . سلمیٰ بی بی نے ایک بار پھر دعویٰ کرتے ہوئے کہا کہ 5 جون کو ہماری صلح ہوگئی تھی جس کی ویڈیو کا الزام لگا وہ فوت ہوچکا ہے، اب کسی کو یہ حق نہیں ملتا کہ وہ کیس کرے .
واضح رہے کہ عامر لیاقت کے بیٹے اور بیٹی کی جانب سے دانیہ شاہ کے خلاف دائر کی گئی درخواست پر کراچی کی نجی عدالت میں سماعت چل رہی ہے .
آج کل دانیہ شاہ ایف آئی اے ٹیم کی نگرانی میں اپنی والدہ کے ہمراہ عدالت میں پیش ہو رہی ہیں . عامر لیاقت کی موت پر دوبارہ سے دونوں فریقین کی جانب سے ایک دوسرے پر الزامات کا سلسلہ جاری ہے .
