حکومت نے لاہور کا نہایت اہم ترین ہوٹل ” سروسز انٹرنیشنل“ کتنے روپے میں نیلام کر دیا ؟ سب سے بڑی خبر

لاہور (قدرت روزنامہ)حکومت نے لاہور کا معروف ہوٹل ” سروسز انٹرنیشنل “ کو ایک ارب 95 کروڑ 10 لاکھ روپے میں نیلا م کر دیاہے ۔بولی کی کم سے کم قیمت ایک ارب 94 کروڑ 90 لاکھ روپے رکھی گئی تھی تاہم صرف بیس لاکھ روپے کے فرق سے ہوٹل کی نیلامی منظور کیئے جانے پر سوالات اٹھ رہے ہیں ۔مقامی انگریزی اخبار ڈان کی رپورٹ کے نجکاری کمیشن کی جانب سے کردہ اعلان میں کہا گیا کہ نیلامی کے عمل میں صرف دو بولی دہندگان نے حصہ لیا اور لاہور کے معروف ریئل اسٹیٹ ڈیولپر فیصل ٹاو¿ن پرائیوٹ لمیٹڈ کامیاب رہے۔وفاقی وزیر برائے نجکاری محمد میاں سومرو، جن کی زیر نگرانی نیلامی کا عمل ہوا، نے نیلامی کو نجکاری کمیشن کی کامیابی قرار دیتے ہوئے کہا کہ حکومت، سرکاری املاک کی نیلامی میں میرٹ اور شفافیت پر یقین رکھتی ہے۔انہوں نے کہا کہ نیلامی میں بنیادی قیمت سے زیادہ کی بولی لگی، نیلامی کا اہم مقصد ملک پر سے ناقابل وصول رقم کا بوجھ کم کرنا ہے۔نجکاری کمیشن کے ذرائع نے واضح کیا کہ بنیادی قیمت مارکیٹ ویلیوایشن کے بعد طے کی گئی تھی کیونکہ سروسز انٹرنیشل ہوٹل غیر فعال تھی۔قانون کے مطابق کامیابی بولی لگانے والے شخص کو 30 فیصد رقم کی ادائیگی بولی قبول کا لیٹر جاری ہونے کے 20 روز کے اندر ادا کرنی ہوگی، باقی 70 فیصد قیمت لیٹر جاری ہونے کے 60 روز کے اندر ادا کرنا پڑے گا۔وزیر نجکاری نے کہا کہ وزیر اعظم عمران خان کی ہدایت پر ملک میں سرکاری املاک کی نیلامی کا عمل شفافیت سے جاری ہے۔انہوں نے کہا کہ حکومت نے خسارے میں چلنے والے تمام سرکاری محکموں کی نجکاری کا منصوبہ بنایا ہے، اس منصوبے کے تحت پاکستان اسٹیل ملز، مری پیٹرولیم، جناح کنونشن سینٹر اسلام آباد، ایس ایم ای بینک، فرسٹ ویمن بینک، پاکستان پیٹرولیم لمیٹڈ، گڈو پاور پلانٹ، ہیوی الیکٹریکل کمپلیکس اور دیگر پاور پلانٹس کی نجکاری کی جائے گی۔