الیکشن نہ ہونے سے پی ٹی آئی کو نہیں ملک کو نقصان ہو رہا ہے، اسد عمر

اسلام آباد(قدرت روزنامہ) پاکستان تحریک انصاف کے سینئر رہنما اور سابق وزیر خزانہ اسد عمر نے کہا کہ الیکشن نہ ہونے سے پی ٹی آئی کو نقصان نہیں ہو رہا بلکہ ملک کو نقصان ہو رہا ہے۔
اپنے ایک بیان میں رہنما پی ٹی آئی اسد عمر نے کہا کہ الیکشن نہ ہونے سے پی ٹی آئی کو نقصان نہیں، الیکشن نہ ہونے سے ملک کو نقصان ہو رہا ہے، ہماری شروع سے سوچ رہی ہے کہ عوام کی امنگوں کی ترجمانی کریں۔
انہوں نے کہا کہ وائٹ پیپر جاری کرنے کا مقصد عوام کو معشیت پر آگاہی دینا ہے، پی ڈی ایم غیر مقبول ہو رہی ہے، الیکشن 2023ء میں ہوتے دیکھ رہا ہوں۔قبل ازیں اپنے ایک ٹوئٹ میں اسد عمر نے کہا تھا کہ پاکستان کی طاقتور اشرافیہ عوام کو حقیر سمجھتی ہے یا خطرہ، اب ٹیکنوکریٹ حکومت کا شوشہ چھوڑا گیا ہے، یعنی کچھ بھی ہو جائے فیصلہ سازی کا اختیار عوام کو نہ ملے۔