حکومت کے آخری ہفتے شروع، کارکن الیکشن کی تیاری کریں، عمران مستحکم حکومت بنائیں گے،فواد چوہدری

لاہور (قدرت روزنامہ)پاکستان تحریک انصاف کے رہنما فواد چوہدری کا کہنا ہے کہ ملک عام انتخابات کی جانب بڑھ رہا ہے . سوشل میڈیا پر جاری بیان میں فواد چوہدری نے پی ٹی آئی کارکنان کو الیکشن کی تیاری کرنے کی ہدایت دیتے ہوئے کہا کہ ملک عام انتخابات کی طرف بڑھ رہا ہے .

فواد چوہدری نے لکھا کہ ٹیکنوکریٹ حکومت جیسی سازشیں ناکامی سے دوچار ہوں گی، عام انتخابات کے نتیجے میں عمران خان ایک مستحکم حکومت بنائیں گے . پاکستان تحریک انصاف کے رہنما نے سوشل میڈیا بیان میں یہ دعویٰ بھی کیا کہ موجودہ حکومت کے آخری ہفتے شروع ہو گئے ہیں .

ملک عام انتخابات کی طرف بڑہ رہا ہے، تحریک انصاف کے کارکنان الیکشن کمپیئن کی تیاری کریں، ٹیکنو کریٹ گورنمنٹ جیسی سازشیں ناکامی سے دوچار ہوں گی اور عام انتخابات کے نتیجے میں عمران خان ایک مستحکم حکومت بنائیں گے موجودہ حکومت کے آخری ہفتے شروع ہو گئے ہیں

— Ch Fawad Hussain (@fawadchaudhry) January 5, 2023

یاد رہے کہ گزشتہ روز عوامی مسلم لیگ کے سربراہ شیخ رشید نے بھی اپنے بیان میں کہا تھا اپریل میں الیکشن ہوتے نظر آ رہے ہیں .