صوبے میں مصنوعی مہنگائی کی گئی ہے، وزیر اعلیٰ سندھ مراد علی شاہ
کراچی (قدرت روزنامہ)وزیراعلیٰ سندھ مراد علی شاہ کا کہنا ہے کہ سندھ بھر میں مصنوعی مہنگائی کی گئی ہے۔ترجمان کے مطابق وزیراعلی ٰسندھ مراد علی شاہ نے مصنوعی مہنگائی کے حوالے سے چیف سیکریٹری کو ہدایات جاری کی ہیں۔
وزیراعلیٰ سندھ نے چیف سیکریٹری سہیل راجپوت کو ہدایات دیتے ہوئے کہا کہ کمشنرز اور ڈی سیز کو ضروری احکامات دیئے جائیں کہ قیمتوں کو کنٹرول کریں۔
انہوں نے مزید کہا کہ اسسٹنٹ کمشنرز مارکیٹوں میں روزانہ کی بنیاد پر اشیائے خوردنوش کی قیمتوں کو چیک کریں تاکہ قیمتوں کو کنٹرول کر کے عوام کو ریلیف فراہم کیا جائے۔ترجمان کا کہنا ہے کہ وزیراعلیٰ سندھ کی ہدایت پر چیف سیکریٹری سہیل راجپوت نے کمشنرز کو ہدایات جاری کردیں۔