پاکستان کو توقع 8 ارب ڈالرز امداد کی تھی، ملے 11 ارب ڈالرز: وزیرِ داخلہ

اسلام آباد (قدرت روزنامہ)وفاقی وزیرِ داخلہ رانا ثناء اللّٰہ نے کہا ہے کہ پاکستان کو 8 ارب ڈالرز امداد کی توقع تھی جبکہ 11 ارب ڈالرز کی گرانٹ ملی . انہوں نے لاہور میں میڈیا سے گفتگو کرتے ہوئے کہا کہ یہ گرانٹ مثبت پیش قدمی ہوگی .

وفاقی وزیرِ داخلہ نے کہا ہے کہ عمرانی ٹولے نے ملکی معیشت کو تباہ کیا . ان کا مزید کہنا ہے کہ ہمیں پنجاب اسمبلی کی عمارت میں داخلے سے نہیں روکا جا سکتا .
رانا ثنا اللّٰہ نے یہ بھی کہا ہے کہ میں بھی ایک پارلیمنٹیرین ہوں اور عطاء اللّٰہ تارڑ مشیر ہیں، آپ غیر قانونی ہتھکنڈوں سے باز رہیں .