جنید صفدر شادی کے بعد گھمانے کیلئے اپنی نئی نویلی دلہن کو سب سے پہلے کہاں لے کر گئے؟ تصاویر نے دھوم مچادی

لندن(قدرت روزنامہ) مسلم لیگ ن کے رہنماءمریم نواز شریف کے صاحبزادے جنید صفدر کی شادی کا سوشل میڈیا پر خوب چرچا رہا۔ اب یہ شادی اختتام پذیر ہو چکی ہے اور نوبیاہتا جوڑا پہلی بار اکٹھے باہر گھومتا بھی پایا گیا ہے۔ نجی ٹی وی چینل 24نیوز کے مطابق جنید صفدر پولو کے بہترین کھلاڑی ہیں ، چنانچہ وہ اپنی دلہن عائشہ کو پہلی بار باہر لے کر گئے تو کھیل کے میدان میں ہی لے کر گئے۔

کھیل کے میدان میں جنید اور عائشہ نے ایک فوٹوسیشن بھی کرایا جس کی تصاویر سوشل میڈیا پر تیزی سے وائرل ہو رہی ہیں۔ اس سے قبل جنید کی شادی سیاسی حوالے سے تو زیربحث رہی تاہم شادی کے ایک فنکشن میں جنید کی طرف سے معروف گیت ’کیا ہوا تیراوعدہ‘ گانے کی ویڈیو بھی بہت وائرل ہوئی اور لوگوں نے اس کے موسیقی کے ذوق اور گانے کی صلاحیت کی خوب تعریف کی۔