ماہرہ خان کی غیر مناسب لباس میں ڈانس ویڈیو وائرل؛ صارفین نے آڑے ہاتھوں لے لیا
اسلام آباد (قدرت روزنامہ)پاکستان شوبز انڈسٹری کی معروف اداکارہ ماہرہ خان اکثر سوشل میڈیا پر متحرک نظر آتی ہیں اور اپنی نت نئی تصاویر اور ویڈیوز شیئر کرتی رہتی ہیں لیکن کئی بار انہیں اپنے لباس کی وجہ سے سخت تنقید کا سامنا کرنا پڑتا ہے۔
موسم سرما کے آتے ہی ہر طرف شادیوں کا سلسلہ شروع ہوجاتا ہے اور انہیں تقریبات کے دوران کچھ ویڈیو سوشل میڈیا پر وائرل ہوجاتی ہیں جیسے عائشہ نامی لڑکی جس نے ’میرا دل یہ پکارے آجا‘ پر رقص کیا تھا اور اب ماہرہ خان کی ایک ڈانس ویڈیو سوشل میڈیا پر وائرل ہوئی جس میں انہیں غیر مناسب لباس زیب تن کیے ہوئے دیکھا جاسکتا ہے۔
ماہرہ خان نے یہ ڈانس پاکستان کے میوزک پروڈیوسر تورہان جیمز کی شادی پر کیا جسے دیکھنے کے بعد صارفین نے اداکارہ کو آڑے ہاتھوں لے لیا۔
View this post on Instagram
ویڈیو میں دیکھا جاسکتا ہے کہ ماہرہ خان نے غیر مناسب لباس زیب تن کیا ہوا ہے اور بالی ووڈ گانوں پر دوستوں کے ساتھ ڈانس کر رہی ہیں۔
ماہرہ خان کی یہ ویڈیو سوشل میڈیا پر وائرل ہوئی تو صارفین کی جانب سے ملے جلے ردعمل سامنے آئے کسی نے ان کی تعریف کی تو کسی نے انہیں خوب تنقید کا نشانہ بنایا۔
واضح رہے کہ ماہرہ خان نے ’مولا جٹ‘، ’رئیس‘، ’قائد اعظم زندہ باد‘ اور کئی مشہور فلموں اور ڈراموں میں اپنی اداکاری کے جوہر دکھائے۔
