معروف ٹک ٹاکر کے گھر بیٹے کی پیدائش
لاہور (قدرت روزنامہ)پاکستان کی مقبول ترین ٹک ٹاک اسٹار افرا نواب کے ہاں بیٹے کی پیدائش ہوئی ہے جس کی اطلاع اُنہوں نے سوشل میڈیا کے ذریعے دی۔ ٹک ٹاک سٹار افرا نواب نے فوٹو اینڈ ویڈیو شیئرنگ ایپ انسٹاگرام پر موجود اپنے آفیشل اکاؤنٹ پر اپنے نومولود بیٹے کے ہمراہ اپنی تصویر شیئر کی ہے۔
View this post on Instagram
انسٹاگرام پر شیئر کی گئی تصویر میں افرا نواب نے اپنے ننھے شہزادے کو گود میں لیا ہوا ہے اور محبت بھری نظروں سے اُنہیں دیکھ رہی ہیں۔
افرا نواب کی جانب سے شیئر کی گئی تصویر ہسپتال کی ہے جبکہ تصویر میں بچے کا چہرہ نظر نہیں آرہا۔ٹک ٹاک اسٹار نے اپنی پوسٹ کے کیپشن میں بتایا کہ ’اُن کے ہاں 21 اگست کو بیٹے کی پیدائش ہوئی۔‘خوشی کے اس موقع پر افرا نواب نے اللّہ تعالیٰ کا شُکر ادا کرتے ہوئے لکھا کہ ’اللّہ تعالیٰ نے مجھے سب سے خوبصورت تحفے سے نوازا ہے جس نے میری زندگی مکمل کردی ہے۔‘
اس کے علاوہ افرا نواب نے ایک ویڈیو بھی شیئر کی جس میں اُنہوں نے اور اُن کے شوہر نے اپنے ننھے شہزادے کا ہاتھ تھاما ہوا ہے۔
View this post on Instagram
یہ ویڈیو شیئر کرتے ہوئے افرا نواب نے نیک خواہشات کرنے والے اپنے تمام چاہنے والوں کا شکریہ ادا کیا۔
یاد رہے کہ افرا نواب گزشتہ سال محمد علی خان کے ساتھ رشتۂ ازدواج میں منسلک ہوئی تھیں۔