غیر ملکی ایجنسیاں عمران خان پر حملہ کر سکتی ہیں، رانا ثناء اللہ کی وارننگ

لندن (قدرت روزنامہ) وزیرداخلہ راناثنا اللہ نے پی ٹی آئی چیئرمین عمران خان کو متنبہ کیا ہے کہ آپ کیخلاف غیرملکی ایجنسیاں کارروائی کرسکتی ہیں۔تفصیلات کے مطابق وزیرداخلہ راناثنا اللہ نے نوازشریف سےملاقات کے بعد میڈیا سے گفتگو کرتے ہوئے کہا کہ عمران خان جھوٹاانسان ہےجوہمیشہ الزام تراشی سےکام لیتاہے، پہلے4لوگوں کا کہا تھاکہ انہوں نے میرے قتل کی سازش بنائی ہے۔
راناثنااللہ کا کہنا تھا کہ آصف زرداری پرالزام عمران خان کا مخالفین کیخلاف پروپیگنڈا ہے، عمران خان کومتنبہ کرتاہوں آپ کیخلاف غیرملکی ایجنسیاں کارروائی کرسکتی ہیں۔
عمران خان کے الزامات سے متعلق وزیرداخلہ نے کہا کہ ایجنسیوں کااندازہ ہوگا الزام تو پہلے ہی عمران خان کچھ افراد پر لگا چکا ہے، ایسا بیان عمران خان کی زندگی کیلئےخطرہ بن سکتا ہے، 26نومبرکو بھی عمران خان کی جان کو پڑوسی ملک کی ایجنسی سےخطرہ تھا۔
ڈالر کی اونچی اڑان کے حوالے سے ان کا کہنا تھا کہ ڈالر کا ریٹ آئی ایم ایف کے معاہدے کے بعد زمین پرگرےگا، عمران خان باقاعدہ مہم چلا رہے ہیں کہا پاکستان ڈیفالٹ کر جائے گا۔ راناثنااللہ نے مزید کہا کہ جب ملک کےاندرہی ایسےلوگ ہوں تویہ بھی بدقسمتی کی صورت ہے، چاہتےہیں کہ ووٹ کی طاقت سےعمران خان کی سیاست مائنس کریں۔