اسد عمر نے پیٹرول مہنگا کیے جانے کے بعد دعا مانگ لی

لاہور (قدرت روزنامہ)پاکستان تحریکِ انصاف کے رہنما اسد عمر کا حکومت کی جانب سے پیٹرولیم مصنوعات کی قیمتوں میں بڑے اضافے کے بعد ردِعمل سامنے آ گیا۔سوشل میڈیا پر اسد عمر نے لکھا ہے کہ پہلے ہی تاریخ کی بدترین مہنگائی سے عوام پریشان ہیں اور پیٹرول اور ڈیزل 35 روپے مزید مہنگا ہو گیا۔
اسد عمر نے اپنے ٹوئٹ میں لکھا ہے کہ اللّٰہ اس قوم پر رحم کرے اور اس عذاب سے نجات دلائے۔

پیٹرول اور ڈیزل 35 روپیہ مزید مہنگا. پہلے ہی تاریخ کی بدترین مہنگائی سے عوام پریشان. اللہ اس قوم پر رحم کرے اور اس عذاب سے نجات دلائے

— Asad Umar (@Asad_Umar) January 29, 2023

واضح رہے کہ حکومت نے آج دن 11 بجے سے ملک میں پیٹرولیم مصنوعات مہنگی کر دی ہیں۔
اسلام آباد میں پریس کانفرنس کرتے ہوئے وفاقی وزیرِ خزانہ اسحاق ڈار نے بتایا کہ پیٹرول اور ڈیزل کی قیمت میں فی لیٹر 35، 35 روپے اضافہ کیا گیا ہے۔