سوارا بھاسکر اور فہد احمد کی شادی پر تنازع کھڑا ہوگیا
ممبئی(قدرت روزنامہ)بالی ووڈ اداکارہ سوارا بھاسکر اور بھارتی سماج وادی پارٹی کے رہنما فہد احمد کی حال ہی میں ہونے والی شادی پر تنازع کھڑا ہوگیا . شکاگو میں مقیم اسلامک اسکالر یاسر ندیم الواجدی نے سوشل میڈیا پلیٹ فارم ٹوئٹر پو ٹوئٹ کرتے ہوئے ان کی شادی کو غیر اسلامی اور غیر شرعی قرار دیتے ہوئے ٹوئٹس کا سلسلہ شروع کر دیا .
اسلامک اسکالر یاسر ندیم الواجدی نے ٹوئٹ کرتے ہوئے لکھا کہ ’اگر سوارا بھاسکر مسلمان نہیں ہیں اور ان کا شوہر مسلمان ہے تو یہ شادی غیر اسلامی ہے . انہوں نے مزید لکھا ہے کہ ’اگر وہ صرف شادی کی خاطر اسلام قبول کرتی ہیں تو یہ اللہ کو بھی قبول نہیں ہے‘ .
If #SwaraBhasker is not Muslim and her "supposed" husband is Muslim, this marriage is not islamically valid.
Allah says, do not marry polytheistic women until they believe. 2:221
If she accepts Islam only for the sake of marriage, it is not accepted by Allah.— Dr Yasir Nadeem Al Wajidi (@Mufti_Yasir) February 16, 2023
ایک اور ٹوئٹ کرتے ہوئے انہوں نے نوبیاہتاجوڑے کو مبارک باد دینے والوں اور اس شادی پر خوش ہونے والوں کو تنقید کا نشانہ بنایا اور کہا کہ ایسے لبرلز کو اپنے آپ کو درست کرنے کی ضرورت ہے . قانونی اعتبار سے وہ آزاد ہیں لیکن بحثیت مسلمان، اس میں خوش ہونے والی کوئی بات نہیں ہے .
Those who are celebrating the marriage of #swarabhaskar (who is, according to my knowledge, not Muslim) with a man with a Muslim name have germs of liberalism. Disinfection is must. Legally they are free to do whatever they want. As Muslims, there is nothing to be happy about.
— Dr Yasir Nadeem Al Wajidi (@Mufti_Yasir) February 16, 2023
ایک اور ٹوئٹ میں انہوں نے آزادانہ اختیارات کو مکمل آزاد نہ قرار دیتے ہوئے لکھا کہ ’سوارا بھاسکر کی شادی قانونی ہے لیکن غیر اسلامی اور غیر شرعی ہے . ان کی شادی ہمارے لیے ایک موقع ہے کہ ہم اپنے مسلمان بھائیوں کو یہ یاد کروا سکیں کہ اللہ کی جانب سے منع کردہ چیزوں کو معمول بنانے سے بعض رہیں‘ .
The legal, but unIslamic, marriage of #swarabhaskar is an occasion for us to remind our fellow Muslims to stop normalizing what has been forbidden by Him.
The Quran is clear, it is not permissible for a Muslim man to marry an idol worshiping woman. #FreeChoice is not so free.— Dr Yasir Nadeem Al Wajidi (@Mufti_Yasir) February 17, 2023
یاد رہے کہ چند دن قبل بھارتی اداکارہ سوارا بھاسکر نے اپنے پرانے دوست اور نوجوان سیاستدان فہد احمد سے کورٹ میرج کا اعلان اپنے سوشل میڈیا اکاؤنٹ پر کیا تھا .
