بھارتی اداکارہ سونم باجوہ کا رواں برس پاکستان آنے کا اعلان
ممبئی(قدرت روزنامہ)بھارت کی پنجابی فلموں کی مشہور اداکارہ سونم باجوہ نے رواں سال پاکستان آنے کا اعلان کردیا ہے۔سونم باجوہ نے مائیکرو بلاگنگ ویب سائٹ ٹوئٹر پر اپنے مداحوں کے ساتھ بات چیت کا ایک سیشن رکھا اور مداحوں کی جانب سے پوچھے گئے سوالوں کے جوابات بھی دیے۔
ایک پاکستانی مداح نے اس سیشن میں اداکارہ سے کہا کہ کبھی پاکستان بھی آئیں۔اُنہوں نے مداح کے اس ٹوئٹ کا جواب میں خاموش رہنے والی ایموجی کا استعمال کرتے ہوئےلکھا کہ اس سال پاکستان آؤں گی۔
Iss saal aavange 🤫 https://t.co/v3SYy2ZycJ
— Sonam Bajwa (@bajwasonam) February 22, 2023
یاد رہے کہ بھارتی اداکارہ نے اس سے قبل پاکستانی اسٹار فواد خان کے ساتھ ڈیٹ پر جانے کی خواہش کا اظہار اور اداکارہ سجل علی کی بہترین اداکاری کی تعریف بھی کی تھا۔
سونم باجوہ کو پنجابی فلموں میں ان کی شاندار اداکاری کی وجہ سے صرف ہندوستان میں ہی نہیں بلکہ پاکستان میں بھی پسند کیا جاتا ہے۔