یمنیٰ زیدی ’تیرے بن‘ میں سوئمنگ پول کے سین کیلئے کیوں راضی ہوئیں؟
اسلام آباد (قدرت روزنامہ)جیو ٹی وی کے بلاک بسٹر ڈرامہ سیریل ’تیرے بن‘ کی اداکارہ یمنیٰ زیدی نے ڈرامے کے مقبول ہونے والے سوئمنگ پول سین کی شوٹنگ کے تجربے پر کھل کر بات کرتے ہوئے بتایا کہ ہدایت کار سراج الحق کو لگا کہ میں یہ سین نہیں کرواؤں گی۔
اداکارہ یمنیٰ زیدی نے سوشل میڈیا پر تیزی سے وائرل ہونے والے سوئمنگ پول کے سین پر گفتگو کرتے ہوئے بتایا کہ ڈرامے کے ہدایت کار سراج الحق کو ابتداً لگا کہ میں یہ سین شوٹ نہیں کرواؤں گی کیونکہ میرے بہت سے تحفظات ہوتے ہیں۔
View this post on Instagram
انہوں نے بتایا کہ وہ بھی شروع میں ہچکچا رہی تھیں کیونکہ اس میں نقصان پہنچنے کا اندیشہ تھا لیکن چونکہ یہ پاکستانی ڈرامہ انڈسٹری کی تاریخ میں اپنی نوعیت کا پہلا سین تھا جو شوٹ ہونا تھا، اس لئے رضا مندی دی ۔
انہوں نے مزید بتایا کہ مذکورہ سین اصل میں شوٹ کیا گیا جس کے لئے پہلے سے باقاعدہ تمام انتظامات کئے گئے کہ کوئی اس دوران زخمی نہ ہو۔انہوں نے سین عکس بند کروانے کا تجربہ بتاتے ہوئے کہا کہ اس وقت نروس بھی تھی اور خوش بھی ، دل کی دھڑکنیں بڑھ رہی تھیں، کہ کوئی چوٹ لگ سکتی ہے، ساتھی اداکار وہاج ہاتھ نہیں چھوڑ رہے تھے۔