کرینہ کپور کی پرانی تصاویر وائرل
ممبئی(قدرت روزنامہ) بالی وڈ میں ’بے بو‘ کے نام سے مشہور خوبرو اداکارہ کرینہ کپور کی فلم ’3 ایڈیٹس‘ کے سیٹ سے ان دیکھی تصاویر سامنے آگئیں . 2009ء میں راج کمار ہیرانی کی ہدایتکار میں بننے والے بلاک بسٹر فلم ’3 ایڈیٹس‘ میں کرینہ کپور نے ’پیا‘ نامی ڈاکٹر کا کردار نبھایا تھا .
انسٹاگرام پر ودھو ونود چوپڑا فلمز کی جانب سے شیئر کی گئیں تصاویر میں کرینہ کپور کو مختلف انداز میں دیکھا جا سکتا ہے . پہلی تصویر میں انہوں نے سبز رنگ کا کُرتا زیب تن کیا جبکہ دوسری میں انہیں جامنی رنگ کی ساڑھی، کچھ زیورات اور عینک میں دیکھا جا سکتی ہیں .
View this post on Instagram
تیسری تصویر میں کرینہ کپور کو ایک کالج کی طالبہ کے طور پر دکھایا گیا جس میں وہ گلابی ٹاپ اور نیلے رنگ کا اسکارف پہنے کندھے پر بیگ لٹکائے کھڑی ہیں .
چوتھی میں وہ چھوٹے بالوں کے ساتھ گلابی اور سفید رنگ کی کُرتی پہنے ہوئے دکھائی گئیں جبکہ آخر میں کلاسک پیا کا روپ دیا گیا .
