چیف آرگنائزر ن لیگ مریم نواز کیخلاف توہین عدالت کی درخواست دائر

لاہور(قدرت روزنامہ)مسلم لیگ ن کی رہنما مریم نواز کے خلاف لاہور ہائی کورٹ میں توہین عدالت کی درخواست دائر کردی گئی۔ذرائع کے مطابق مسلم لیگ ن کی چیف آگنائزر مریم نواز کیخلاف لاہور ہائی کورٹ میں توہین عدالت کی درخواست دائر کی گئی۔ ہے۔ مریم نواز کیخلاف درخواست رانا شاہد ایڈووکیٹ نے دائر کی ہے۔درخواست گزار نے مؤقف پیش کیا ہے کہ مریم نواز اپنی جماعت کی سینئر نائب صدر اور چیف آرگنائزر ہیں،
انہوں نے سرگودھا میں عدلیہ مخالف بیان بازی کی، اور ان کی تقریر الیکٹرانک میڈیا پر لائیو نشر اور اخبارات میں پرنٹ ہوئی۔درخواست گزار نے مؤقف اختیار کرتے ہوئے استدعا کی کہ آئین کے تحت اعلی عدلیہ کے ججز کیخلاف بیان بازی نہیں ہوسکتی، عدلیہ مخالف بیان بازی پر مریم نواز کیخلاف توہین عدالت کی کارروائی کی جائے، اور انہیں عدالت طلب کرتے ہوئے قانون کے مطابق کارروائی کی جائے۔