امریکا کا خیبرپختونخوا میں معاشی بحالی و ترقی کے منصوبے کا آغاز

اسلام آباد (قدرت روزنامہ)امریکی حکومت نے ضم اضلاع سمیت خیبرپختونخوا میں معاشی بحالی و ترقی کے منصوبے کا آغاز کر دیا . پاکستان میں تعینات امریکی سفیر ڈونلڈ بلوم نے میڈیا سے گفتگو کرتے ہوئے کہا کہ پروجیکٹ سے زرعی شعبے میں جدیدیت اور بہتری لائی جائےگی .

امریکی سفیر ڈونلڈ بلوم نے کہاکہ پروجیکٹ سے چھوٹےاوردرمیانے درجے کے کاروبار کو بھی فروغ حاصل ہوگا،2 ہزار سےزیادہ کاروباری اداروں اور 56ہزارکسان خاندانوں کو فائدہ ہوگا . انہوں نے کہا کہ امریکا پاکستانی حکومت کےساتھ مل کر کےپی کےعوام کی بہتری کے لیے اقدامات کا سلسلہ جاری رکھےگا .
ڈونلڈ بلوم کا کہنا ہےکہ گزشہ سال سیلاب متاثرین کو20 کروڑ ڈالرز کی امداد دی تھی، صوبے میں 25 لاکھ سیلاب متاثرین کو امداد دی گئی ہے . ان کا یہ بھی کہنا ہےکہ یوایس ایڈ کی جانب سے سیلاب متاثرین کے لیے روزگارکے مواقع فراہم کریں گے .