ملک میں آئینی اور قانونی بحران شدید ترین ہوتا جارہا ہے، شیخ رشید
راولپنڈی(قدرت روزنامہ)سابق وفاقی وزیر شیخ رشید نے کہا ہے کہ ملک میں آئینی اور قانونی بحران شدید ترین ہوتا جارہا ہے۔سماجی رابطے کی ویب سائٹ پر اپنے ایک پیغام میں عوامی مسلم لیگ کے سربراہ نے ملک کی موجودہ صورتحال پر اپنے خیالات کا اظہار کیا ہے۔
چینی صدر شی جن پنگ کاتیسری بارانتخاب اورسعودی عرب ایران کےسفارتی تعلقات بحال انتہائی خوش آئند ہیںIMFکافیصلہ آنےتک بجلی14.24تک فی یونٹ مہنگی ہوجائےگی علی بلال کاپورسٹ مارٹم رپورٹ کےباوجودکیس رجسٹر ہوانہ ہیKPKسےالیکشن کی تاریخ آئی انتخاب سے انحراف بڑی تباہی کا پیش خیمہ ہوگا
— Sheikh Rashid Ahmed (@ShkhRasheed) March 11, 2023
انہوں نے کہا ہے کہ کے پی کے میں فضل الرحمان کے سمدھی کی حکومت پنجاب میں زرداری کےفرنٹ مین محسن نقوی کی حکومت ہے اور خیبرپختونخوا سے الیکشن کی تاریخ نہیں آئی ہے اور انتخاب سے انحراف بڑی تباہی کا پیش خیمہ ہوگا ۔انہوں نے مزید کہا کہ الیکشن کمیشن اپنا بوجھ شہباز شریف کے گلے میں ڈال رہا ہے کیونکہ ہم قطراوراقوام متحدہ میں سیکورٹی دے سکتے ہیں لیکن اپنے ملک کے الیکشن میں نہیں ۔
شیخ رشید کا کہنا تھا کہ آئینی قانونی بقاء 90 دن میں انتخاب کروانے میں ہے ورنہ ہیجان اورغیر یقینی ہے لیکن ملک میں آئینی اور قانونی بحران شدید ترین ہوتا جارہا ہے جس کے لئے سپریم کورٹ آخری امید ہے کہ آئین قانون اور اپنی عزت کو بچائے۔
ان کا کہنا تھا کہ آئی ایم ایف کا فیصلہ آنے تک بجلی 14.24 تک فی یونٹ مہنگی ہوجائے گی اور بلآخر یا غریب مرے گا یا سڑکوں پر آئے گا۔انہوں نے بتایا کہ پی ڈی ایم ٹوٹ چکی ہے، ہر ایک نے انگوٹھا رکھ کر اپناحصہ لے لیا ہے، فضل الرحمان نے ہاؤسنگ، مذہبی اموراور مواصلات دبوچ لیں ہیں جس کے بعد ملک اقتصادی انتظامی اور سماجی بحران میں آگیا ہے۔
