آئمہ بیگ نے سوشل میڈیا پلیٹ فارم کو 10 کروڑ ہرجانے کا نوٹس بھیج دیا
لاہور (قدرت روزنامہ) پاکستانی گلوکارہ آئمہ بیگ نے ایک لوکل میڈیا ادارے کو غلط خبر چلانے پر دس کروڑ ہرجانے کا نوٹس بھجوادیا .
گلوکارہ نے سوشل میڈیا میں مداحوں کو لیگل نوٹس سے آگاہ کیا اور نیوز پلیٹ فارم سے دو دن میں عوامی معافی کا مطالبہ کیا ہے .
انہوں نے شوبز انڈسٹری میں اپنی ساتھی فنکاروں سے درخواست کی کہ وہ اس جعلی رپورٹنگ کے خلاف ان کا ساتھ دیں .
View this post on Instagram
گلوکارہ نے انسٹاگرام پوسٹ میں لکھا کہ اب وقت آگیا ہے کہ ہم لفافہ صحافت اور جعلی رپورٹنگ کے خلاف کھڑے ہو جائیں . آئمہ بیگ کا کہنا تھا کہ میری بس ہوگئی ہے، میں خود کیلئے اور ان تمام لوگوں کیلئے کھڑی ہوئی ہوں جو ان کا اگلا نشانہ ہوں گے .
واضح رہے کہ لوکل نیوز پلیٹ فارم نے ایک خبر چلائی تھی جس کے مطابق گلوکارہ کے ایک انٹرویو کے حوالے سے دعویٰ کیا گیا تھا کہ ان کو اپنے بڑے بھائی پر کرش تھا .
