ہماری لڑائی ملک کا خرانہ لوٹ کر باہر جانے والوں سے ہے، شیخ رشید احمد

راولپنڈی(قدرت روزنامہ)عوامی مسلم لیگ کے سربراہ اور سابق وفاقی وزیر داخلہ شیخ رشید نے کہا ہے کہ ہماری لڑائی ملٹری اسٹیبلشمنٹ سے نہیں بلکہ ملک کا خرانہ لوٹ کر باہر جانے والوں کے خلاف ہے . تفصیلات کے مطابق سماجی رابطوں کی ویب سائٹ ٹوئٹر پر جاری کردہ اپنے ایک بیان میں شیخ رشید احمد نے کہا کہ اصل خوف عمران خان کی مقبولیت ہے باقی سب بہانے ہیں، انگریز نے 1940 میں مینار پاکستان پر پابندی نہیں لگائی ان کے ایجنٹوں نے نا صرف کنٹینر لگائے بلکہ سارے راستے سیل کر دیئے، اس کے باوجود میلوں سفر کر کے لوگ جلسہ گاہ پہنچے .

جوکشمیرکی جدوجہدآزادی سےناآشناہیں اُنہوں نےگلگت بلتستان کی پولیس پرصوبےسےباہرجانےپرپابندی لگادی مینار پاکستان کاجلسہ ناکام کرنےکےلیےتھریٹ الرٹ جاری کیاانٹرنیٹ بندکیااورگرفتاریاں کیں اصل خوف عمران خان کی مقبولیت ہےباقی سب بہانےہیںIMFتوکیاجینواڈونرکانفرنس سے بھی کچھ نہیں مل رہا

— Sheikh Rashid Ahmed (@ShkhRasheed) March 26, 2023

سابق وزیر داخلہ نے کہا کہ سعودی عرب نے ادھار تیل کی سہولت 8 ماہ میں ہی ختم کر دی ہے، یو اے ای منہ نہیں لگا رہا، شدید معاشی بحران دروازے پر آگیا ہے، جو یہ سوچ رہے ہیں کہ ہم سب ٹھیک کر لیں گے وہ ملک کو خانہ جنگی کی طرف لے کر جا رہے ہیں، ملک نے آئین کے ساتھ چلنا ہے یا بدمعاشوں کے ساتھ اس کا فیصلہ سپریم کورٹ نے کرنا ہے، سپریم کورٹ پیش ہوں گا .

سعودی عرب نےادھارتیل کی سہولت8ماہ میں ہی ختم کردی ہےUAE منہ نہیں لگارہاشدیدمعاشی بحران دروازےپرآگیاہےجویہ سوچ رہےہیں کہ ہم سب ٹھیک کرلیں گےوہ خانہ جنگی کی طرف ملک کولےکرجارہےہیں ملک نےآئین کےساتھ چلناہےیابدمعاشوں کےساتھ اسکا فیصلہ سپریم کورٹ نےکرناہےکل میں سپریم کورٹ پیش ہوں گا

— Sheikh Rashid Ahmed (@ShkhRasheed) March 26, 2023

شیخ رشید احمد نے کہا کہ آئی ایم ایف تو کیا جنیوا ڈونر کانفرنس سے بھی کچھ نہیں مل رہا، آٹے کے لیے زندگی موت کی لائن لگی ہوئی ہے، جو کشمیر کی جدوجہد آزادی سے نا آشنا ہیں انہوں نے گلگت بلتستان کی پولیس پر صوبے سے باہر جانے پر پابندی لگا دی، مینار پاکستان کا جلسہ ناکام کرنے کے لئے تھریٹ الرٹ جاری کیا انٹرنیٹ بند اور گرفتاریاں کیں .