2 ارب سے زائد کی کرپشن، میگا اسکینڈل کا مرکزی ملزم گرفتار

لاہور(قدرت روزنامہ) اینٹی کرپشن اسٹیبلشمنٹ ملتان نے میگا کرپشن اسکینڈل کے مرکزی ملزم مظہر عباس کو گرفتار کر لیا . ملزم کو سابق وزیر خارجہ شاہ محمود قریشی نے چیئرمین ٹاسک فورس برائے خوراک بنا رکھا تھا .

ملزم مظہر عباس نے 3 سال میں 2 ارب روپے سے زائد کرپشن کی . الزام کے مطابق ملزم فلور ملز سے 645 روپے والا آٹے کا تھیلا مارکیٹ میں 1100 روپے میں فروخت کرتا رہا .
ملزم مظہر عباس کو روزانہ 2 ہزار سے 5 ہزار تھیلا آٹا زبردستی ملتا تھا . ملزم روزانہ 10 سے 25 لاکھ روپے کی 3 سال تک کرپشن کرتا رہا . اینٹی کرپشن ملتان نے محکمہ خوراک کا تمام ریکارڈ قبضے میں لے لیا . ملزم سابق ایم این اے زین قریشی کا فرنٹ مین تھا . اینٹی کرپشن اسٹیبلشمنٹ نے ملزم کا 2 روزہ جسمانی ریمانڈ حاصل کر لیا ہے .