فتح آئین کی ہوگی، نظریہ ضرورت ذلیل و رسوا ہوگا: شیخ رشید احمد

راولپنڈی(قدرت روزنامہ)سربراہ پاکستان عوامی مسلم لیگ اور سابق وفاقی وزیر داخلہ شیخ رشید احمد نے کہا ہے کہ نظریہ ضرورت اور آئین کے درمیان مقابلہ شروع ہوگیا ہے، آئین جیتے گا نظریہ ضرورت ذلیل و رسوا ہوگا۔
سماجی رابطے کی ویب سائٹ ٹوئٹر پر شیخ رشید احمد نے لکھا کہ آج پھر سپریم کورٹ کا بنچ بیٹھے گا اور جو آئین کا حلف انہوں نے اٹھایا ہے اُس کے مطابق فیصلہ دے گا، جو کچھ سپریم کورٹ میں ہو رہا ہے قوم نےایسا نہیں سوچا تھا، ساری قوم چیف جسٹس کے سٹینڈ کے ساتھ کھڑی ہے۔

نظریہ ضرورت اور آئین کے درمیان مقابلہ شروع ہو گیا ہےآئین جیتے گانظریہ ضرورت ذلیل ورسواہوگاآج پھرسپریم کورٹ کابینچ بیٹھےگااورجو آئین کاحلف انہوں نےاٹھایا ہےاُس کے مطابق فیصلہ دےگاجو کچھ سپریم کورٹ میں ہورہاہےقوم نےایسا نہیں سوچا تھاساری قوم چیف جسٹس کےسٹینڈ کےساتھ کھڑی ہے

— Sheikh Rashid Ahmed (@ShkhRasheed) March 31, 2023

سابق وزیر کا کہنا تھا کہ حکومت 35 ارکان اسمبلی کا پیٹریاٹ گروپ بنانے جا رہی ہے یہ سیاسی خود کشی کے بعد اب قومی اجتماعی خودکشی کی طرف بڑھ رہے ہیں یہ سیاست نہیں ریاست قربان کرنے لگے ہیں۔
انہوں نے کہا کہ حکومت نے 8 اکتوبر کو بھی الیکشن نہیں کروانے، ملک ڈیفالٹ ہونے جا رہا ہے، حکومت الیکشن سے بھی فراری ہے اور ملک چلانے کی صلاحیتوں سے بھی عاری ہے، یہ1997 نہیں ایمرجنسی نہیں لگ سکتی اور الیکشن بھی کروانے ہوں گے۔

یہ1997نہیں ایمرجنسی نہیں لگ سکتی اورالیکشن بھی کروانےہوں گے جسٹس منیر نہیں بلکہ جسٹس کارنلیس کی یادتازہ ہوگی اب اسحاق ڈارمان گیاہےکہIMFمیں تاخیراورسکوک بانڈز بھی روک دیےہیں رات12بجے قاسم سوری کاسوموٹو ہوتوواہ واہ کرتےہیں90دن میں الیکشن کاسوموٹوہوتوآہ آہ کرتےہیں

— Sheikh Rashid Ahmed (@ShkhRasheed) March 31, 2023

سربراہ عوامی مسلم لیگ کا مزید کہنا تھا کہ جسٹس منیر نہیں بلکہ جسٹس کارنلیس کی یادتازہ ہوگی اب اسحاق ڈار مان گیا ہے کہ آئی ایم ایف میں تاخیر اور سکوک بانڈز بھی روک دیئے ہیں، رات 12 بجے قاسم سوری کا سوموٹو ہو تو واہ واہ کرتے ہیں، 90 دن میں الیکشن کا سوموٹو ہو تو آہ آہ کرتے ہیں۔