اکتوبر تو دور کی بات حکمران 8 جون کا دن بھی نہیں دیکھیں گے، شیخ رشید
راولپنڈی(قدرت روزنامہ)عوامی مسلم لیگ کے سربراہ شیخ رشید احمد نے کہا ہے کہ 8 اکتوبر تو دور کی بات حکمران 8 جون کا دن بھی نہیں دیکھیں گے۔ 90 دن میں پنجاب اور خیبر پختونخوا کی نگران حکومتیں بھی ختم ہو جائیں گی اورججز کے خلاف ریفرنس دائر کرنے کا نتیجہ بھی صفر نکلے گا۔
سماجی رابطے کی ویب سائٹ ٹوئیٹر پر اپنے پیغام میں سربراہ عوامی مسلم لیگ شیخ رشید احمد نے کہا کہ لوگوں کے پاس مردے کی تدفین کے پیسے نہیں ہیں لیکن حکمرانوں کے ڈالر کی قیمت دگنی ہوگئی ہے۔شیخ رشید کا کہنا ہے کہ ٹی وی چینلز پر پابندیاں لگانے سے سارا ملک سوشل میڈیا کی طرف چلا جائے گا۔ اسرائیل ہندوستان سے تجارت، اثاثوں پر دباؤ کا جواب دینا ہو گا۔عدلیہ یا سڑکوں پر عوام میں سے ایک کا فیصلہ ماننا ہوگا۔
بلند ترین ریکارڈ مہنگائی اوربیروزگاری خانہ جنگی کیطرف لےجا سکتی ہے90دن میں پنجاب اورKPKکی نگران حکومتیں بھی ختم ہوجائیں گی اورججزکےخلاف ریفرنس دائرکرنےکانتیجہ بھی زیرونکلےگاملک میں جمہوریت انارکی کیطرف چلی جائےگی مسئلہ90روزمیں الیکشن کاہےجو13جماعتوں کےٹولےکی سیاسی موت ثابت ہوگا
— Sheikh Rashid Ahmed (@ShkhRasheed) April 2, 2023
سربراہ عوامی مسلم لیگ کے مطابق بلند ترین ریکارڈ مہنگائی اور بیروزگاری خانہ جنگی کی طرف لے جا سکتی ہے۔ 90 دن میں پنجاب اورخیبر پختونخوا کی نگران حکومتیں بھی ختم ہوجائیں گی اورججز کے خلاف ریفرنس دائر کرنےکانتیجہ بھی زیرو نکلے گا۔
انہوں نے کہا کہ 90 دن میں الیکشن نہ ہوئے تو ملکی جمہوریت انارکی کی طرف چلی جائےگی۔ مسئلہ 90 روز میں الیکشن کاہے جو 13 جماعتوں کے ٹولے کی سیاسی موت ثابت ہوگا۔ان کا کہنا ہے کہ 3 ججز کے خلاف ریفرنس کا بیان رانا ثنا اللہ جیسا شخص ہی دے سکتا ہے۔ ان ججز نے پی ٹی آئی کے خلاف بھی فیصلے دیےتھے لیکن اس کا مطلب یہ نہیں کہ من پسند کے فیصلے ججز سے لیے جائیں۔
3جسٹس کےخلاف ریفرنس کے معاملے کا بیان رانا ثناء اللہ جیسا شخص ہی دےسکتا ہےان ججز نےPTIکےخلاف بھی فیصلے دیےتھے لیکن اس کا مطلب یہ نہیں کہ من پسند کے فیصلے ججز سے لیے جائیں حکومت کا الیکشن سےفرارہوناعدلیہ پر دباؤڈالناغریب کاآٹےکےلیےجان دینا سب خطرے کی علامت ہیں عدلیہ ریڈ لائن ہے
— Sheikh Rashid Ahmed (@ShkhRasheed) April 2, 2023
سربراہ عوامی مسلم لیگ نے کہا کہ حکومت کا الیکشن سے فرار ہونا،عدلیہ پر دباؤ ڈالنا، غریب کا آٹے کے لیےجان دینا سب خطرے کی علامات ہیں۔ عدلیہ ریڈ لائن ہے۔شیخ رشید کا کہنا ہے کہ 8 اکتوبر تو دور کی بات حکمران 8 جون کا دن بھی نہیں دیکھیں گے۔