سابق وزیر اعظم نواز شریف رمضان المبارک کا آخری عشرہ سعودی عرب میں گزاریں گے

اسلام آباد (قدرت روزنامہ)سعودی عرب کی حکومت نے پاکستان کے سابق وزیر اعظم نواز شریف کو شاہی مہمان کا درجہ دینے کا اعلان کردیا ہے۔ نواز شریف رمضان المبارک کا آخری عشرہ مدینہ منورہ میں گزاریں گے۔میڈیا رپورٹس کے مطابق سابق وزیراعظم میاں نواز شریف سعودی فرمانروا کی دعوت پر سعودی عرب کا دورہ کریں گے۔
نواز شریف 19 رمضان المبارک کو لندن سے سعودی عرب روانہ ہونگے ۔اپنے دورہ کے دوران نواز شریف کی خادم الحرمین الشریفین شاہ سلمان بن عبدالعزیز سے بھی ملاقات متوقع ہے۔
شریف فیملی کی طرف سے نواز شریف کی عمرہ کیلئے سعودی عرب جانے کی تصدیق کی گئی ہے۔امکان ہے کہ نواز شریف عیدالفطر بھی سعودی عرب میں ہی منائیں گے۔