ناصر بٹ کی تہرے قتل کیس میں ضمانت خارج

اسلام آباد (قدرت روزنامہ)مسلم لیگ (ن) کے رہنما ناصر بٹ کی تہرے قتل کیس میں ضمانت خارج کر دی گئی . کیس کی سماعت ایڈیشنل ڈسٹرکٹ اینڈ سیشن جج سہیل انجم نے کی .

عدالت نے کیس کی عدم پیروی اور عدم حاضری پر ناصر بٹ کی ضمانت خارج کی . ناصر بٹ کے خلاف 15 اکتوبر 1996ء میں تہرے قتل کا مقدمہ تھانہ صادق آباد میں درج ہے .
ملزم ناصر بٹ کی ضمانت قبل از گرفتاری 3 اپریل تک منظور ہوئی تھی . اس مقدمے میں ملزم ناصر بٹ کے اس سے قبل ریڈ وارنٹ بھی جاری کیے گئے تھے، وہ مقدمے کے اندراج کے بعد سے بیرون ملک مقیم تھے .