اسلام آباد میں ٹرک اور کار کے درمیان تصادم سے تین دوست جاں بحق
اسلام آباد(قدرت روزنامہ) ایکسپریس ہائی وے پر ٹریفک حادثے میں تین افراد جاں بحق ہوگئے۔ایکسپریس نیوز کے مطابق حادثہ ایکسپریس ہائی وے کھنہ پل کے قریب پیش آیا جس میں ایک ٹرک اور ایک کار کے درمیان تصادم ہوا۔ نتیجے میں تیز رفتار کار میں سوار تین نوجوان جاں بحق اور ایک شدید زخمی ہوگیا۔
اطلاعات ملی ہیں کہ چاروں نوجوان آپس میں دوست ہیں اور ایک ہی گلی کے رہائشی ہیں، جاں بحق ہونے والوں میں عباس شاہ، عباس احمد اور سعد احمد شامل ہیں۔
پولیس نے موقع پر پہنچ کر اپنی کارروائی کی جب کہ لاشوں اور زخمیوں کو اسپتال منتقل کردیا گیا۔
