دنیا کے امیرترین افراد اگرغریب ہوجائیں تو کیسے لگیں گے؟
اسلام آباد (قدرت روزنامہ)مصنوعی ذہانت (Artificial Intelligence) کی جانب سے بنائی گئی چند تصاویر سوشل میڈیا پر وائرل ہورہی ہیں جن میں دکھایا گیا ہے کہ دنیا کے امیر ترین افراد اگر غربت کی سطح پر آجائیں تو کیسے لگیں گے .
آرٹیفیشل انٹیلی جنس کا رجحان سوشل میڈیا سے لے کر عسکری اور میڈیا کی سطح تک تیزی سے پھیلتا جارہا ہے اور اس کے شوقین فنکار اے آئی پروگرام کا استعمال کرتے ہوئے دلکش نتائج برآمد کررہے ہیں .
مصنوعی ذہانت اتنی ترقی کر چکی ہے کہ لوگ اس میں بہت زیادہ محنت کیے بغیر ہر طرح کی تصاویر بنا سکتے ہیں .
بہت سے فنکاروں نے اس ٹیکنالوجی کو ناقابل تصور تصاویر بنانے کے لیے بھی استعمال کیا ہے . انہی میں ایک آرٹسٹ نے Midjourney اے آئی پروگرام کا استعمال کرتے ہوئے دنیا کے امیر ترین لوگوں کو غریب تصور کرکے تصاویریں تیار کی ہیں جو کہ حیران کن ہیں . آرٹسٹ نے تصویروں کا عنوان ’سلم ڈاگ ملینئرز‘ رکھا ہے .
View this post on Instagram
گوکل پلائی نامی آرٹسٹ نے سات تصویریں شیئر کیں جن میں غریب ارب پتیوں کو کچی آبادیوں میں رہتے ہوئے دکھایا گیا جس میں میں ڈونلڈ ٹرمپ، بل گیٹس، مکیش امبانی، مارک زکربرگ، وارن بفیٹ، جیف بیزوس اور ایلون مسک شامل ہیں .
