اگر سچی محبت کرتے ہیں تو سماجی دباؤ سے لڑنا ہوگا، سوارا بھاسکر

ممبئی(قدرت روزنامہ)سوارا بھاسکر نے حال ہی میں فہد احمد سے شادی کی، دونوں نے انٹرویو دیتے ہوئے ایک خوشگوار تعلق کا گُر بتایا . سوارا اور فہد کی ملاقات ایک احتجاجی مظاہرے کے دوران جنوری 2020 میں ہوئی تھی .

انہوں نے طویل عرصے تک اپنے تعلق کے متعلق خاموشی اختیار کیے رکھی اور رواں برس فروری میں اس کا اعلان کیا .
انٹرویو میں سوارا بھاسکر نے کہا کہ میں کوئی نصیحت نہیں کرنا چاہتی کیونکہ ہمارا تعلق ابھی نیا ہی ہے لیکن میں سمجھتی ہوں کہ جس بات نے ہم دونوں کو ایک دوسرے کا ساتھ قبول کرنے میں مدد دی وہ اس بات کا ادراک تھا کہ ہم دو الگ دنیاؤں کے لوگ ہیں .
اداکارہ کا کہنا تھا کہ بھارت میں محبت کرنے پر بہت سے سماجی دباؤ کا سامنا کرنا پڑتا ہے، نوجوان جوڑوں کو ذات، حسب نسب، مذہب ان تمام چیزوں سے لڑائی کرنا پڑتی ہے، لیکن اگر آپ ایک دوسرے سے محبت کرتے ہیں تو پھر اس خوف کا سامنا کریں اور اس سے لڑیں .