برہنہ حالت میں سونے کے صحت کیلئے کیا نقصانات ہیں؟ معروف ڈاکٹر نے خبردار کردیا
یہ ایک ایسی بحث ہے جو ہر کچھ عرصے بعد سر اٹھاتی ہے اور بے نتیجہ ختم ہو جاتی ہے . اب کی بار ایک ڈاکٹر نے اس بحث کو ہمیشہ کے لیے ختم کرنے کی کوشش کرتے ہوئے اس عادت کو صحت کے لیے انتہائی نقصان دہ قرار دے دیا ہے . دی سن کے مطابق یہ ڈاکٹر انتھونی یوآن ایم ڈی ہیں جنہوں نے اپنے ٹک ٹاک اکاﺅنٹ پر ایک ویڈیو میں برہنہ سونے کے نقصانات سے لوگوں کو آگاہ کیا ہے . ڈاکٹر انتھونی اپنے ٹک ٹاک ہینڈل @tonyyounmdپر بتاتے ہیں کہ مکمل برہنہ حالت میں سونا آپ کے لیے اورآپ کے شریک حیات کے لیے نقصان دہ ہوتا ہے چنانچہ سوتے ہوئے کم از کم انڈرویئر پہننا لازمی ہے . اس کی حیران کن توجیح پیش کرتے ہوئے ڈاکٹر انتھونی نے کہا کہ لوگ اوسطاً دن میں 15سے 25بار جسم سے بدبودار ہوا خارج کرتے ہیں اور جب جسم سے ہوا خارج ہوتی ہے تو جسم سے ہوا کے ساتھ پاخانے کے کچھ ذرات بھی جسم سے باہر آتے ہیں . یہ نظر نہ آنے والے ذرات بستر کو گندہ کرنے کے ساتھ ساتھ جراثیم اور بیکٹیریا سے آلودہ بھی کرسکتے ہیں، اور نتیجتاً آپ اور آپ کا شریک حیات مختلف طرح کی بیماریوں میں مبتلا ہو سکتے ہیں . ڈاکٹر انتھونی نے یہ اس ویڈیو کے ذریعے اس بحث کو ختم کرنے کی کوشش کی لیکن انہوں نے جس قسم کی وجہ بیان کی اس پر انٹرنیٹ صارفین میں ایک بار پھر شدید بحث چھڑ گئی ہے اور کچھ لوگ ڈاکٹر انتھونی کی حمایت کر رہے ہیں اور کچھ ان کا تمسخر اڑا رہے ہیں . ایک آدمی نے لکھا ہے کہ ”میں 39سال سے اپنے بستر میں ’پاد‘ رہا ہوں اور تم میری یہ عادت تبدیل نہیں کر سکتے . “ ایک خاتون نے لکھا ہے کہ ”میرا خیال ہے کہ میں اور میرا شوہر بدستور ایک دوسرے کو اپنے جسم سے خارج ہونے والی ہوا کے ذریعے تنگ کرتے رہیں گے . “ . .
