محنت رنگ لائی۔۔۔۔ساحل پر پھنسے جہاز کو بلآخر گہرے پانیوں میں کھنیچ لیا گیا
شپنگ حکام کا کہناتھا کہ اب جہاز کو نکالنا ممکن ہے، جہاز ساحل سے 1800 میٹر دور اونچی لہروں تک چلا گیاہے ، انجن کو سٹارٹ کر دیا گیاہے اور کارگو جہاز تیزی سے گہرے سمند ر کی جانب بڑھ رہاہے ، جہاز فلوٹنگ پوزیشن پر آ چکا ہے . کیپٹن نے بتایا ہےکہ غیر ملکی کارگو جہاز کو کوئی نقصان نہیں پہنچا ہے . واضح رہے کہ کنٹینروں سے لدا بحری جہاز 21 جولائی کو سی ویو کے ساحل پر ریت میں پھنس گیا تھا . خراب موسم کے باعث جہاز کے لنگر خراب ہوئے اور اس نے آہستہ آہستہ کم گہرے پانی کی جانب بڑھنا شروع کر دیا اور آخر کار ساحل پر آ کر پھنس گیا . جہاز کو نکالنے کیلئے آپریشن 9 اگست کو شروع کیا گیا تھا . 24 اگست کو آپریشن رسہ ٹوٹنے کے باعث کامیاب ہوتے ہوتے ناکام ہو گیا تھا . جس کے بعد فیصلہ کیا گیا کہ جہاز کو نکالنے کی متعدد کوششیں ناکام ہو چکی ہیں تاہم ستمبر میں ہوائوں کا رخ تبدیل ہونے تک کا انتظار کیا جائے گا جس سے آپریشن میں مدد ملے گی . خیال رہے جہاز نکالنے کے آپریشن پر اب تک 5 کروڑ روپے سے زائد کا سرمایہ خرچ ہوچکا ہے، سرمایہ ری فلوٹ کرنے والی کمپنی سی میکس نے خرچ کیا . . .
