مدیحہ امام خاموشی سے رشتہ ازدواج میں منسلک، انسٹا گرام سے پوسٹیں بھی ڈیلیٹ
لاہور(قدرت روزنامہ) پاکستانی اداکارہ مدیحہ امام نے خاموشی سے شادی کر کے مداحوں کو حیران کردیا۔اداکارہ مدیحہ امام کی جانب سے فوٹو اینڈ ویڈیو شیئرنگ ایپلی کیشن انسٹا گرام پر اپنی شادی کی تصاویر شیئر کی گئیں جس میں انہیں سرخ رنگ کے عروسی لباس میں دیکھا جاسکتا ہے۔
مدیحہ نے شادی کے دن میکسی اور ساتھ مہرون رنگ کا غرارا اور دوپٹہ زیب تن کیا ہوا تھا۔
View this post on Instagram
اس کے علاوہ اداکارہ کی جانب سے ایک اور تقریب کی تصاویر بھی انسٹاگرام کی سٹوری پر شیئر کی گئیں۔
مدیحہ نے اس تقریب پر سفید رنگ کا لباس زیب تن کیا، ان کے شوہر موجی بسار نے ایک تقریب پر تھری پیس سوٹ جبکہ شادی والے دن آف وائٹ رنگ کا کرتا شلوار پہن رکھا ہے۔دوسری جانب اداکارہ نے اپنے انسٹاگرام اکاؤنٹ سے تمام تصاویر ڈیلیٹ کردی ہیں۔
ان کے اکاؤنٹ پر اس وقت صرف 3 پوسٹس موجود ہیں جن میں سے دو عید کی جو ایک ہفتہ پہلے شیئر کی گئیں ہیں جبکہ ایک شادی کی جو گزشتہ روز پوسٹ کی گئی۔مدیحہ امام کی شادی پر ساتھی اداکاروں سمیت مداحوں کی جانب سے مبارکباد کا سلسلہ جاری ہے۔
