کراچی میں اتوار کو گرمی کی شدت میں اضافے کا امکان

کراچی(قدرت روزنامہ) شہر قائد میں اتوار 7 مئی کو گرمی کی شدت میں اضافے کا امکان ہے جس کے سبب پارہ 38 ڈگری تک تجاوز کرسکتا ہے . محکمہ موسمیات کی پیش گوئی کے مطابق آج اور کل درجہ حرارت 34 سے 36 ڈگری کے درمیان ریکارڈ ہوسکتا ہے جبکہ 3 روز کے دوران کراچی میں نسبتا گرم اور مرطوب دن ریکارڈ ہوسکتے ہیں .

صبح سے سہ پہر کے درمیان سمندری ہوائیں بند رہ سکتی ہیں . محکمہ موسمیات کا کہنا ہے کہ دیہی سندھ کے مختلف اضلاع میں آج گرج چمک اور تیز ہواؤں کے ساتھ بارش کا امکان ہے .