عاصم اظہر نارویجن گلوکارہ کے ساتھ انٹرنیشنل میوزک ڈیبیو کیلئے تیار
اسلام آباد (قدرت روزنامہ)پاکستانی گلوکار عاصم اظہر کا نارویجن گلوکارہ کے ساتھ انٹرنیشنل میوزک کا پہلا گانا ریلیز ہونے کیلئے تیار ہے۔ عاصم اظہر نے نئے گانے کیلئے نارویجن سنگر اور سانگ رائٹر ایسٹرڈ ایس کے ساتھ شراکت کی ہے اور اس کا نام ’ڈارکیسٹ آور‘ رکھا گیا ہے۔
پاکستانی گلوکار نے گانے کا ٹیزر اپنے ٹویٹر اکاؤنٹ پر شیئر کرتے ہوئے مداحوں کو خوشخبری سنائی کہ نئے گانے کو آج (4 مئی کی) رات کو ریلیز کیا جائے گا۔
My first global collaboration. 🇵🇰 🎶 🌎
DARKEST HOUR with @astridsofficial releasing tonight ❤️🔥 pic.twitter.com/Or14vHOZx0
— Asim Azhar (@AsimAzharr) May 4, 2023
ایسٹرڈ ایس اور عاصم اظہر کے درمیان گانے کی شراکت کی ابتدائی خبریں نارویجن گلوکارہ کی طرف سے انسٹاگرام پر شیئر کی گئی تھیں، انہوں نے گانے کا ایک پس منظر بھی شیئر کیا جس میں عاصم اظہر اردو اور انگریزی میں گاتے سنائی دیتے ہیں۔
یہ اطلاعات بھی سامنے آئی تھیں کہ دونوں فنکار ایک عالمی لیبل کیلئے گانے کی شراکت کررہے ہیں جبکہ یونیورسل میوزک ناروے نے گانے کے ٹیزر کو اپنے سوشل میڈیا پیج پر بھی شیئر کیا تھا۔
ایک غیر ملکی فنکار کے ساتھ گانے کی شراکت عاصم اظہر کے میوزک کیریئر کیلئے بہت بڑی چھلانگ ہے اور اسے انہیں عالمی طور شناخت ملے گی۔
