سجل اور احد رضا میر کی ایک ساتھ شادی میں شرکت، تصاویر سوشل میڈیا پر وائرل
کراچی(قدرت روزنامہ) سجل علی اور احد رضا میر کو حال ہی میں ایک شاندار شادی کی تقریب میں ایک ساتھ دیکھا گیا ہے۔حامد حسین کے بیٹے کی شادی میں سجل علی اُن کے بہن بھائی جبکہ احد رضا میر کو ان کے خاندان کے ساتھ ایک ہی تقریب میں شرکت کرتا دیکھ سوشل میڈیا پر ہل چل مچ گئی ہے۔
سوشل میڈیا پر دونوں خاندانوں کی تصاویر گردش کر رہی ہیں تاہم کسی ایک تصویر میں بھی سجل علی اور احد رضا میر یا ان کے گھر کے کسی فرد کو ایک ساتھ نہیں دیکھا گیا۔
View this post on Instagram
احد رضا میر اور سجل علی کی ایک ہی تقریب میں موجودگی کے باوجود دوری نے ان کی علیحدگی کی افواہوں کو ہوا دے دی ہے۔ سوشل میڈیا صارفین اور دونوں اداکاروں کے مداحوں کا کہنا ہے ان کی پسندیدہ جوڑی نے راہیں جُدا کر لی ہیں۔
View this post on Instagram
تاہم اس خوبصورت جوڑی کی جانب سے تاحال علیحدگی کی خبروں کی تردید یا تصدیق نہیں کی گئی ہے۔ اس تقریب میں عمر خان، عائشہ عمر، خوشحال خان، ندیم بیگ اور علی انصاری سمیت دیگر فنکاروں کو بھی مدعو کیا گیا تھا۔
یاد رہے کہ حامد حسین ایک بین الاقوامی سلیبرٹی منیجر ہیں جن کا کئی اداکاروں کی کامیابی میں ایک بڑا ہاتھ ہے جنہوں نے بیرونِ ملک کام کیا اور اپنا نام بنایا۔
شاندار شادی کی تقریب کی تصاویر پر ایک نظر ڈالیں۔
