کچھ بھی نہ کہا اورکہہ بھی گئے!عمران خان کی گرفتاری پر ریحام کا ردعمل آگیا

اسلام آباد(قدرت روزنامہ)سابق وزیراعظم عمران خان کو نیب نے ہائی کورٹ سے حراست میں لے لیا جس پر سابق اہلیہ ریحام خان نے اپنی ٹوئٹ میں نام لیے بغیر دلچسپ تبصرہ کیا ہے . چیئرمین تحریک انصاف عمران خان مختلف کیسز میں ضمانت کے لیے آج اسلام آباد ہائیکورٹ میں پیش ہوئے تھے جہاں انھیں رینجرز نے حراست میں لے کر قومی احتساب بیورو (نیب) کے دفتر منتقل کردیا گیا .

نیب کا کہنا ہے کہ سابق وزیراعظم کو القادر ٹرسٹ کیس میں گرفتار کیا گیا . ان کے وارنٹِ گرفتاری جاری کیے گئے تھے .
گرفتاری کی خبر جنگل میں آگ کی طرح پھیل گئی . اسی دوران چیئرمین تحریک انصاف کی سابق اہلیہ ریحام خان نے بھی ایک ٹوئٹ کی جس میں مختصراً لکھا کہ میں ایک خاص فیملی ایونٹ میں مصروف ہونے کے باعث کسی بھی تبصرے کے لیے دستیاب نہیں .

I’m busy with a special family event. Not available for comment.

— Reham Khan (@RehamKhan1) May 9, 2023

ریحام خان نے اس ذو معنوی ٹوئٹ میں نہ تو سابق شوہر عمران خان کا نام لیا اور نہ ہی ان کی گرفتاری کا زکر کیا تاہم ٹوئٹر صارفین نے ان کی ٹوئٹ کو عمران خان کی گرفتاری سے جوڑتے ہوئے لکھا کہ یہ نظر انداز کرنے کا سب سے بہترین طریقہ ہے .
واضح رہے کہ ریحام خان اور عمران خان کی شادی جنوری 2015 میں ہوئی تھی تاہم 10 ماہ بعد ہی ان کی طلاق ہوگئی تھی . جس کے بعد گزشتہ برس دسمبر میں ریحام نے 13 سال چھوٹے ماڈل مرزا بلال سے تیسری شادی کی . ریحام کی پہلی شادی ہلی 1990 میں کی تھی جو 2005 میں طلاق پر ختم ہوئی تھی .