کراچی (قدرت روزنامہ) صوبائی وزیر سعید غنی نے چیئرمین پیپلز پارٹی بلاول بھٹو زرداری اور سینئر پارٹی رہنما نبیل گبول کی وائرل ویڈیو میں ہونے والی ملاقات کا احوال بیان کر دیا ہے۔
نجی ٹی وی جیو نیوز کے مطابق گزشتہ روز میئر کراچی مرتضیٰ وہاب کی تقریب حلف برداری میں چیئرمین پیپلز پارٹی بلاول بھٹو زرداری اور سینئر پارٹی رہنما نبیل گبول کی ایک ویڈیو وائرل ہوئی جس سے متعلق دعویٰ کیا گیا کہ اس ویڈیو میں بلاول بھٹو نے نبیل گبول سے ہاتھ ملانے سے گریز کیا ہے۔ویڈیو میں دیکھا گیا کہ تقریب میں نبیل گبول پہلی صف میں بیٹھے تھے، انہوں نے بلاول بھٹو کے قریب آنے کی کوشش کی تو چیئرمین پیپلز پارٹی نے بظاہر انہیں روک دیا۔
کچھ صارفین نے یہ کہا کہ یہ ویڈیو نامکمل ہے جب کہ حقیقت
اس کے برعکس تھی، البتہ بلاول بھٹو زرداری کی نبیل گبول سے ہاتھ ملانے سے گریز کرنے کی ویڈیو سوشل میڈیا پر بہت تیزی سے وائرل ہو رہی ہے اور سینئر صحافیوں کی جانب سے بھی اس ویڈیو کو شیئر کیا جا رہا ہے۔تاہم اب اس حوالے سے موقع پر موجود سعید غنی نے ٹوئٹ کی ہے اور انہوں نے بتایا کہ دراصل یہ ویڈیو نامکمل ہے۔
پی پی رہنما نے اپنی ٹوئٹ میں لکھا کہ ‘یہ سب میرے سامنے ہوا، چیئرمین بلاول بھٹو نے نبیل گبول کو سنا پھرسلمان مراد پارٹی چیئرمین کی طرف آئے، اس کے بعد ہلکے پھلکے انداز میں چیئرمین بلاول نے کہا کہ ’ساری باتیں یہاں کروگے کیا‘۔
اس کے علاوہ نبیل گبول کے بیٹے نادر گبول نے ویڈیو وائرل ہونے کے بعد گزشتہ شب ایک ویڈیو ٹوئٹر پر شیئر کی جس میں انہوں نے خاص طورپر بلاول کے اخلاق کا تذکرہ کیا۔
نادر گبول نے اپنی ویڈیو کے کیپشن میں لکھا ‘موجودہ وزیر خارجہ اور مستقبل کے وزیر اعظم بلاول بھٹو زرداری ایک مکمل نفیس انسان ہیں جو اپنے تمام کارکنان سے گرم جوشی اور محبت سے ملتے ہیں’۔
اسلام آباد (قدرت روزنامہ)عالمی شہرت یافتہ امریکی اداکارہ و گلوکارہ جینیفر لوپیز اور اداکار بین…
اسلام آباد (قدرت روزنامہ)خوبصورتی کے متعدد ایوارڈز اپنے نام کرنے والے پاکستانی خوبرو اداکار و…
ایران (قدرت روزنامہ)ایران میں قانون نافذ کرنے والے اداروں نے ’شیطان پرست نیٹ ورک‘ کے…
اسلام آباد (قدرت روزنامہ)پاکستانی اداکارہ سکینہ نے انکشاف کیا ہے کہ مرد حضرات اُن کی…
کراچی (قدرت روزنامہ)کراچی کے علاقے لیاقت آباد میں کال سینٹر میں ایک نوجوان کی ہلاکت…
لاہور (قدرت روزنامہ)مسلم لیگ ن کے رہنما خواجہ سعد رفیق نے کہا ہے کہ شہباز…