پاکستان کو بحران سے نکالنے کے لیے 5 سالہ مینڈیٹ والی حکومت کا ہونا لازم ہے، احسن اقبال

اسلام آباد (قدرت روزنامہ)وفاقی وزیر منصوبہ بندی و ترقی احسن اقبال نے کہا ہے کہ پاکستان کو بحران سے نکالنے کے لیے 5 سالہ مینڈیٹ والی حکومت کا ہونا لازم ہے . احسن اقبال نے میڈیا سے گفتگو کرتے ہوئے کہا کہ الیکشن کمیشن اپنے وقت پر الیکشن کروائے گا .

انہوں نے کہا کہ سی پیک میں کوئی بھی ملک سرمایہ کاری کر سکتا ہے، سی پیک میں دوسرے ممالک کی مشترکہ سرمایہ کاری کی حوصلہ افزائی کی جائے گی . وفاقی وزیر نے کہا کہ اسپیشل سرمایہ کاری کونسل اسی مقصد کے لیے بنائی گئی ہے کہ سرمایہ کار ممالک کو کسی قسم کی مشکلات کا سامنا نہ کرنا پڑے .
احسن اقبال نے کہا کہ مشرق وسطیٰ سے 46 ارب ڈالر کی سرمایہ کاری علیحدہ منصوبہ ہے، ہم چاہتے ہیں خلیجی ممالک ایڈ کی بجائے ٹریڈ کریں .