کراچی (قدرت روزنامہ) میئر صاحب برساتی نالوں کی صفائی کریں، صرف فوٹوسیشن نہ کریں، نالوں میں بارش کے پانی کے نکاس کے راستے بند ہیں، انٹر لنک نالوں کا برا حال ہے، کچرے سے بھرے ہیں۔امیرِ جماعت اسلامی کراچی حافظ نعیم الرحمٰن نے پریس کانفرنس کے دوران میئر کراچی مرتضیٰ وہاب کو کڑی تنقید کا نشانہ بنا ڈالا ۔
حافظ نعیم الرحمٰن کا کہنا تھا کہ مرتضیٰ وہاب جب ایڈمنسٹریٹر تھے اس وقت بھی نالوں کی صفائی کے نام پر کرپشن ہوئی، نالوں کی صفائی کا کام اب بھی نہیں کیا جا رہا۔ گھوسٹ ملازمین ابھی بھی چل رہے ہیں، تنخواہیں ٹاؤنز سے جا رہی ہیں مگر کام نہیں ہو رہا، یوسی سطح پر کچرا نہیں اٹھایا جا رہا ، سندھ سولڈ ویسٹ مینجمنٹ کا عملہ گھروں سے کچرا نہیں اٹھا رہا، لوگ پیسے دے کر کچرا اٹھوا رہے ہیں۔ میئر صاحب برساتی نالوں کی صفائی کریں، صرف تصویر سیشن نہ کریں۔
امیرِ جماعت اسلامی کراچی نے مزید کہا کہ پیپلز پارٹی کے ٹاؤنز میں بھی جا کے دیکھیں کہ کتنا کام ہوا ہے، نالوں میں بارش کے پانی کے نکاس کے راستے بند ہیں، انٹر لنک نالوں کا برا حال ہے، کچرے سے بھرے ہیں۔ کچرے کی پیدوار زیادہ ہے اور گاڑیاں کم ہیں، کچرا اٹھانے کا کام ٹھیک طرح سے کیا جائے، سندھ حکومت اختیارات پر قابض ہو کر ناانصافی کر رہی ہے۔
انکا مزید کہنا تھا کہ انتخابات دباؤ پر کرا دیئے لیکن اختیارات تاحال نہیں دیئے گئے، جماعت اسلامی کے منتخب چیئرمین اور وائس چیئرمین کو مسائل درپیش ہیں۔ہمارا مطالبہ ہے کونسل کا اجلاس بلایا جائے، بجٹ پیش کیا جائے، کے ایم سی میں بجٹ پیش کیا جائے اور اختیارات دیئے جائیں۔
کرراچی(قدرت روزنامہ)بانی چیئرمین پاکستان تحریک انصاف (پی ٹی آئی) عمران خان نے جیل سے محمود…
کراچی(قدرت روزنامہ)پان کی دکان سے لوٹ مار کے الزام میں ڈی ایس پی ظفر جاوید…
راولپنڈی (قدرت روزنامہ)عیدالاضحیٰ کی آمدآمد،سربراہ عوامی مسلم لیگ شیخ رشیدنےقربانی کاجانورخریدلیا۔ تفصیلات کےمطابق عیدالاضحیٰ میں…
کراچی (قدرت روزنامہ)ایم کیو ایم کے مرکز بہادرآباد میں چیئرمین ڈاکٹر خالد مقبول صدیقی کی…
ممبئی (قدرت روزنامہ )بالی ووڈ اداکارہ سوارا بھاسکر نے چندی گڑھ ایئرپورٹ پر سی آئی…
دکی(قدرت روزنامہ)بلو چستان کے ضلع دکی میں ٹرک ٹرانسپورٹ یونین کی جا نب سے 14…