بلوچستان کی جیلوں میں طبی سہولیات کا فقدان، ڈاکٹروں کی قلت، ادویات کا کوئٹہ بھی کم کردیا

کوئٹہ (قدرت روزنامہ) بلوچستان کی جیلوں میں طبی سہولیات کا فقدان۔ صوبے کی 12 میں سے 10 جیلوں میں کوئی ڈاکٹر تعینات ہی نہیں۔ محکمہ جیل کے حکام کے مطابق بلوچستان کی سب سے بڑی سینٹرل جیل مچھ سمیت 10 جیلوں میں قیدیوں کے علاج کے لیے ڈاکٹروں کی سہولت ہی میسر نہیں۔ صرف ڈسٹرکٹ جیل کوئٹہ میں ڈاکٹر اور لیڈی ڈاکٹر اور سینٹرل جیل گڈانی میں ڈاکٹر تعینات ہیں، دیگر تمام جیلوں میں کمپاﺅنڈر ہی قیدیوں کے علاج کے فرائض انجام دے رہے ہیں۔
دوسری جانب قیدیوں کی تعداد میں اضافے اور ادویات کی قیمتیں بڑھنے کے باوجود صوبائی حکومت نے محکمہ جیل کے لیے ادویات کی مد میں دیے جانے والے فنڈ کو 60 لاکھ سے کم کرکے 30 لاکھ کردیا ہے۔ رواں سال صرف دس لاکھ روپے جاری کیے گئے، جیل حکام نے ادویات کی مد میں ڈیڑھ کروڑ روپے فراہم کرنے کی سمری محکمہ داخلہ کو بھجوا دی ہے۔