9 مئی واقعات: چیئرمین پی ٹی آئی دہشتگردی کے مزید 3 مقدمات میں نامزد

لاہور (قدرت روزنامہ)لاہور میں 9 مئی کے درج دہشت گردی کے مقدمات میں اہم پیش رفت ہوئی ہے . پولیس ذرائع کے مطابق چیئرمین پی ٹی آئی کو دہشت گردی کے مزید 3 مقدمات میں نامزد کر دیا گیا ہے .

پولیس ذرائع نے بتایا ہے کہ چیئرمین پی ٹی آئی کو جناح ہاؤس پر حملے کے کیس میں نامزد کر دیا گیا ہے .
پولیس ذرائع کا کہنا ہے کہ چیئرمین پی ٹی آئی کو عسکری ٹاور حملے کے مقدمے میں بھی نامزد کیا گیا ہے . پولیس ذرائع نے بتایا ہے کہ چیئرمین پی ٹی آئی کو ماڈل ٹاؤن میں وزیرِ اعظم سیکریٹریٹ پر حملے کے مقدمے میں بھی نامزد کر دیا گیا ہے .
پولیس کے مطابق لاہور میں چیئرمین پی ٹی آئی کے خلاف دہشت گردی کی دفعات کے تحت 7 مقدمات درج تھے، جن کی تعداد اب 10 ہو گئی . پولیس نے بتایا ہے کہ چیئرمین پی ٹی آئی پر 9 مئی کے واقعات پر پنجاب کے دیگر اضلاع میں دہشت گردی کے 19 مقدمات ہیں .
پولیس کا کہنا ہے کہ گرفتار ملزمان کے بیانات کی روشنی میں چیئرمین پی ٹی آئی کو ان مقدمات میں نامزد کیا گیا ہے . پولیس کے مطابق انویسٹی گیشن کے بعد لاہور میں دہشت گردی کے 3 مقدمات میں چیئرمین پی ٹی آئی کو نامزد کیا گیا ہے .
پولیس نے مزید بتایا ہے کہ چیئرمین پی ٹی آئی ملتان کے 3، راولپنڈی کے 2، فیصل آباد کے 2 اور گوجرانوالہ کے 1 دہشت گردی کے مقدمے میں نامزد ہیں .