انوشے اشرف نے اب تک شادی کیوں نہیں کی؟
لاہور (قدرت روزنامہ)پاکستانی معروف وی جے، ماڈل، میزبان اور اداکارہ انوشے اشرف نے مداح کی جانب سے پوچھے گئے سوال پر تاحال شادی نہ کرنے کی وجہ بتائی ہے .
انوشے اشرف نے گزشتہ اتوار کی رات جیو نیوز کے مقبول ترین شو ’ہنسنا منع ہے‘ میں شرکت کی، اس دوران انوشے نے شو کے میزبان تابش ہاشمی کے ہمراہ خوش گپیوں کے ساتھ ساتھ اپنے مداحوں کے متعدد سوالات کے جواب بھی دیئے .
View this post on Instagram
شو کے دوران 40 سالہ اداکارہ سے پوچھا گیا کہ انہوں نے تاحال شادی کیوں نہیں کی ؟اس سوال کے جواب میں انوشے اشرف نے بتایا کہ انہوں نے شادی کی کوشش کی تھی، ماضی میں اُنہوں نے منگنی بھی کی تھی مگر پھر شادی شدہ افراد کا حال دیکھ کر انہوں نے شادی کا ارادہ ترک کر دیا تھا .
انوشے کا شادی سے متعلق موضوع پر مزید کہنا تھا کہ ان کی نظر میں شادی کے لیے مرد اور خاتون کی عمر کے درمیان فرق کی کوئی اہمیت نہیں ہے، عمر صرف ایک نمبر کی حیثیت رکھتی ہے البتہ ذہنیت ایک جیسی ہونی چاہیے . انوشے اشرف کا کہنا تھا کہ وہ شادی کے لیے صرف اور صرف اپنے شریک حیات میں ایک چیز دیکھنا چاہتی ہیں اور وہ یہ ہے کہ اُن کا شریکِ حیات اُن کی ذہنیت جیسی ہی ذہنیت رکھتا ہو، دونوں کے خیالات ملتے جلتے ہوں .
انہوں نے شو کے دوران اپنی شادی کا عندیہ دیتے ہوئے کہا کہ اُنہوں نے شادی کرنے کے لیے اب اپنا ذہن بنا لیا ہے مگر اداکارہ نے واضح نہیں کیا کہ وہ کب تک شادی کے بندھن میں بندھ جائیں گی .
View this post on Instagram
شو کے دوران انوشے اشرف سے سوال پوچھا گیا کہ انہوں نے معروف مصنف خلیل الرحمٰن قمر کے ساتھ کام کرنے سے انکار کیوں کیا تھا؟جس کے جواب میں انوشے کا کہنا تھا کہ چونکہ وہ اداکارہ نہیں ہیں اس لیے اُن کے لیے خلیل الرحمٰن قمر کے ساتھ کام کرنے سے انکار کرنا آسان تھا .
View this post on Instagram
انہوں نے مزاحیہ انداز میں کہا کہ ماضی میں وہ 50 لاکھ روپے کے عوض بھی خلیل الرحمٰن قمر کے ساتھ کام کرنے کو تیار نہیں تھیں لیکن اب ڈالر کی پوزیشن کے سبب اِنہیں ایک کروڑ روپے سے زائد کی پیش کش کی جائے گی تو وہ ضرور سوچیں گی .
میزبان انوشے کا اپنی ذاتی زندگی سے متعلق بات کرتے ہوئے کہنا تھا کہ وہ جب 18 سال کی ہوئی تھیں تو اُن کے والد نے اُنہیں ملازمت کرنے کا کہا تاکہ وہ خود مختار بن سکیں .
. .
View this post on Instagram
