“آگے آگے دیکھئے ہوتا ہے کیا ” اعظم خان کے انکشافات پر علیم خان کا ردِعمل
جھوٹ اور گمراہ کن بیانیہ فتنے کی سیاست کو کسی طور تحفظ نہیں دے سکتا،صدر استحکام پاکستان پارٹی نے مزید کہا کہ پی ٹی آئی کی سازشی سیاست نے ملکی معیشت اورخارجہ تعلقات تباہ کر دیے، سابقہ دور میں وزیر اعظم ہاؤس گھناؤنی سازشوں کا گڑھ بنا رہا، اعظم خان کا بیان حقائق واضح کرنے کیلئے کافی ہے، مزید لوگ بھی بولیں گے،سائفر کو سازش بناکر ملکی سلامتی سے کھیلا گیا، قرار واقعی سزا ملنی چاہیے، پارٹی اس اعتراف سے ثابت ہوگیا کہ استحکام پاکستان پارٹی کیوں وجود میں آئی، ہم ایسے ملک دشمن اور مکروہ ذہن کے ساتھ نہیں چل سکتے تھے . انہوں نے مزید کہا کہ واضح ہو گیا کہ سیاسی مقاصد کیلئے رچایا گیا ،سائفر کا ڈرامہ ایک شخص کا سکرپٹ تھا . جب کہ چیئرمین پی ٹی آئی عمران خان نے کہا ہے کہ سائفر والے تماشے کو بےنقاب کرنے کا مجھے ایک موقع فراہم کردیا . انہوں نے ٹویٹر پر سائفر معاملے پر اپنے ردعمل میں کہا کہ محض مجھے نااہل کروانے اور جیل میں ڈالنے کی غرض سے کسی بھی معاملے میں ملوث کرنے (مجھے مورودِ الزام ٹھہرانے) کے خبط میں مبتلا مجرموں کے نالائق ٹولے نے ایک مرتبہ پھر اپنے ہی پاؤں پر کلہاڑی مار لی ہے . انہوں نے مجھے سائفر والے تماشے کو پورے اہتمام سے بےنقاب کرنے کا ایک موقع فراہم کردیا ہے . چیئرمین پی ٹی آئی نے کہا کہ کل میں کسی لگی لپٹی کے بغیر تمام تفصیلات قوم کے سامنے رکھوں گا کہ کیسے 17 برس میں (پہلی مرتبہ) بہترین معاشی کارکردگی کا مظاہرہ کرنے والی ایک حکومت کا تختہ الٹنے اور ان مجرموں، جو ملک کو تباہی کے گھاٹ اتار چکے ہیں، کو اقتدار میں لانے کیلئے ایک سازش رچائی گئی . میں آپ کو یقین دلاتا ہوں کہ یہ تفصیلات ٹیلی ویژن پر چلنے والے کسی بھی ڈرامے سے بڑھ کر دلچسپ اور سحر انگیز ہوں گی . . .
