پاکستان آئی بھارتی لڑکی انجو نے اسلام قبول کرکے کورٹ میرج کرلی

دیر بالا(قدرت روزنامہ) پاکستانی لڑکے کی محبت میں خیبرپختون خوا آئی بھارتی لڑکی انجو نے اسلام قبول کرکے کورٹ میرج کرلی۔ایکسپریس نیوز کے مطابق فیس بک پر دوستی کے بعد چند روز قبل بھارتی شہر نئی دہلی کی رہائشی کرسچن لڑکی انجو ویزا لے کر خیبر پختون خوا کے شہر دیر بالا پہنچی تھی آج اس نے اسلام قبول کرلیا اور دیر بالا کے رہائشی نصراللہ سے کورٹ میرج کرلی۔
35 سالہ انجو کا نیا نام فاطمہ رکھا گیا، دونوں نے دیر بالا کی سول کورٹ میں شادی کی۔
شادی کے بعد نوبیاہتا جوڑے نے دیربالا کے سیاحتی مقامات لواری ٹنل، ہل پارک اور دیر سٹی میں ٹک ٹاک ویڈیو بنائی اور موسم سے لطف اندوز ہوئے۔

بھارت سے آئی انجو نے دیر بالا کے نصر اللہ سے شادی کر لی، اسلام بھی قبول کر لیا#ExpressNews #BreakingNews pic.twitter.com/bwZalV9XtN

— Express News (@ExpressNewsPK) July 25, 2023

دریں اثنا بھارتی لڑکی سے اب بھی پولیس تفتیش کا سلسلہ جاری ہے۔