نامزد برطانوی ہائی کمشنر جین میریٹ کا اسلام آباد میں تعیناتی پر خوشی کا اظہار
اسلام آباد آمد پر جین نے کہا کہ میں یہاں پاکستان میں اپنی تعیناتی پر بہت خوش ہوں، پاکستان برطانیہ کے لیے گہری اہمیت رکھتا ہے اور دونوں ممالک کے درمیان دیرینہ تعلقات ہیں، برطانیہ میں پاکستانی پس منظر رکھنے والے 1.6 ملین سے زیادہ لوگ آباد ہیں جو برطانوی معاشرے کے ہر پہلو کا عملی حصہ ہیں، ہمارے دونوں ممالک کے درمیان ایک خاص اور ہمیشہ بڑھتا ہوا خصوصی رشتہ ہے . انہوں ںے کہا کہ ہماری دوستی ہماری مشترکہ تاریخ اور اقدار، عوام کے درمیان گہرے تعلقات، بڑھتے ہوئے تجارتی روابط اور ایک تجدید شدہ ترقیاتی شراکت داری پر قائم ہے، میں ان میں اضافے کے لیے سخت محنت کروں گی . جین کا مزید کہنا تھا کہ میں ماحولیاتی ہنگامی صورتحال کے باعث دنیا بھر میں صحت اور معاش کے لیے بڑھتے ہوئے خطرے پر نظر رکھتے ہوئے ہمارے دونوں ممالک کے مابین دو طرفہ تعلقات کو فائدہ مند اور پائیدار بنانے میں خصوصی دلچسپی رکھتی ہوں . برٹش ہائی کمیشن کے مطابق جین کی تعیناتی پاکستان اور برطانیہ کے دو طرفہ تعلقات کے ایک اہم موقع پر ہوئی ہے،پاکستان کے لیے برطانیہ کے امدادی اخراجات میں نمایاں اضافے کے ساتھ ساتھ موسمیاتی تغیر پر قابو پانے اور اس سے انسانی آبادی کو لاحق خطرات کو کم کرنے پر توجہ مرکوز کی گئی ہے . گزشتہ ماہ برطانیہ کی جانب سے ترقی پذیر ممالک کے لیے نئے تجارتی منصوبے کا بھی آغاز کیا گیا . اس منصوبے سے پاکستان کے لیے تجارتی شرائط میں آسانی اور محصولات میں کمی ہوگی جس سے پاکستانی برآمدات کو بڑھانے میں مدد ملے گی .
نی برٹش ہائی کمشنر کا ڈپلومیٹک کیرئیر جین نے 2001ء میں یو کے گورنمنٹ کے فارن، کامن ویلتھ اینڈ ڈیولپمنٹ آفس میں شمولیت اختیار کی، وہ پاکستان میں تعیناتی سے قبل ستمبر 2019ء سے جون 2023ء تک کینیا میں برطانوی ہائی کمشنر کے طور پر تعینات رہیں . جین یمن میں بھی بطور برطانوی سفیر کے ذمہ داریاں انجام دے چکی ہیں . وہ امریکا، عراق، ایران اور افغانستان میں بھی اہم عہدوں پر تعینات رہی ہیں جن میں برطانیہ کے مشترکہ انٹرنیشنل کاؤنٹر ٹیررازم یونٹ کی سربراہی بھی شامل ہے . . .Assalam o alaikum, Pakistan! Delighted to be with you. Can't wait to settle into my wonderful new home.
— Jane Marriott (@JaneMarriottUK) July 30, 2023
Thank you @British_Airways for making my trip so comfortable. The direct flight serves as a crucial bridge between British and Pakistani people. 🇬🇧🇵🇰 pic.twitter.com/x0TeO2KayA
