جس جج پر اعتراض تھا، ہائیکورٹ نے وہیں بھیج دیا، چیئرمین پی ٹی آئی کی سپریم کورٹ میں اپیل
اپیل میں کہا گیا ہے کہ اسلام آباد ہائی کورٹ نے کیس اُسی جج کی طرف بھیجا جس پر ہمارا اعتراض ہے . اسلام آباد ہائی کورٹ نے جس انداز میں فیصلہ دیا، اس سے درخواست گزار کے بنیادی انسانی حقوق کی نفی ہوئی . ہائی کورٹ نے ٹرانسفر کی درخواست کے میرٹ اور جج کی جانبداری پر دلائل نہیں سنے . درخواست کے مطابق ہائی کورٹ نے کہا کہ ٹرائل کورٹ کے جج نے درخواست گزار کو درست انداز میں نہیں سنا، ہائی کورٹ کی اس آبزرویشن سے ٹرائل کورٹ کے جج کی جانبداری ثابت ہوتی ہے، اس لیے کیس کو کسی دوسرے جج کے سامنے بھیجا جانا چاہیے . واضح رہے کہ اسلام آباد ہائی کورٹ نے گزشتہ روز چیئرمین پی ٹی آئی کی درخواست پر فیصلہ سناتے ہوئے توشہ خانہ کیس قابل سماعت قرار دیے جانے کا ڈسٹرکٹ اینڈ سیشن کورٹ کا فیصلہ کالعدم قرار دیتے ہوئے جج ہمایوں دلاور کو دوبارہ سماعت کا حکم دیا تھا . . .
