وزیراعظم کی زیر صدارت مشترکہ مفادات کونسل کا اجلاس

اسلام آباد(قدرت روزنامہ) مشترکہ مفادات کونسل کا اجلاس جاری ہے جس میں نئی ڈیجیٹل مردم شماری پر غور کیا جارہا ہے . وزیراعظم شہباز شریف کی زیر صدارت موجودہ اتحادی حکومت کا مشترکہ مفادات کونسل کا پہلا اجلاس جاری ہے جس کا ایک نکاتی ایجنڈا مردم شماری ہے .

سندھ اور بلوچستان کے وزرائے اعلی اور خیبرپختونخوا اور پنجاب کے نگران وزیر اعلی، وفاقی وزیر احسن اقبال، وزیر ریلوے خواجہ سعد رفیق اور وفاقی وزیر نوید قمر ، متعلقہ وزارتوں کے وفاقی سیکریٹریز اجلاس میں شریک ہیں . وزارت منصوبہ بندی نے مشترکہ مفادات کونسل میں نئی ڈیجیٹل مردم پر بریفنگ دی اور ڈیجیٹل مردم شماری و خانہ شماری کے نتائج پیش کیے . اگر نتائج کو منظور کرلیا گیا تو پھر نوٹی فکیشن بھی جاری کیا جائے گا . نئی مردم شماری کی منظوری کی صورت میں عام انتخابات میں تین سے چار ماہ کی تاخیر ہوسکتی ہے . . .