آئی سی سی ورلڈکپ: پی سی بی کا قومی کرکٹرز کیلئے ماہر نفسیات رکھنے کا فیصلہ

اسلام آباد (قدرت روزنامہ)بھارت میں شیڈول آئی سی سی کرکٹ ورلڈ کپ میں پی سی بی نے قومی کرکٹرز کے لیے ماہر نفسیات تعینات کرنے کا فیصلہ کرلیا . ذرائع کے مطابق قومی ٹیم کی ورلڈکپ میں شرکت کے لیے بھارت روانگی سے قبل ماہر نفسیات کے ساتھ لیکچرز رکھے جائیں گے .

ذرائع کا کہنا ہے کہ اس کا بنیادی مقصد کھلاڑیوں کو بھارت پہنچ کر میڈیا ہائپ اور توقعات میں پریشر سے بچانا ہے . موجودہ ٹیم کے کھلاڑی بھارت میں کبھی نہیں کھیلے، وہاں پریشر پر قابو رکھنا ہوگا .
کرکٹ بورڈ نے ملک کے بہترین ماہر نفسیات میں سے کسی ایک کی تعیناتی کے لیے تلاش شروع کردی ہے . ماضی میں بھی 2012 میں دورہ بھارت کے لیے ماہر نفسیات عمر بابری کو تعینات کیا گیا تھا .