ڈالر مزید مہنگا، انٹربینک میں 288، اوپن مارکیٹ میں 296 روپے کا ہوگیا
دن کا آغاز ہوتے ہی انٹر بینک مارکیٹ میں ڈالر کی قدر 42 پیسے کی کمی سے 287 روپے کی سطح پر آ گئی تھی ، تاہم مارکیٹ میں اتار چڑھاؤ کا رجحان جاری رہا اور دوپہر تک انٹربینک مارکیٹ میں ڈالر کی قدر 56 پیسے اضافے سے 287.98 پیسے کی سطح تک پہنچ گئی . دریں اثنا اوپن مارکیٹ میں بھی ڈالر کی اُڑان جاری ہے، جس کے مطابق ڈالر کی قیمت میں ایک روپے کا اضافہ ہوا، جس سے ڈالر 296 روپے کا ہوگیا . گزشتہ روز بھی ڈالر کی قیمت میں یک دم تین روپے کا اضافہ ہوا تھا، جس سے ڈالر 295 روپے کی سطح پر آ گیا تھا . دوسری جانب پاکستان اسٹاک ایکسچینج میں مندی کے رجحان کے ساتھ کاروبار کا آغاز ہوا اور 114 پوائنٹس کی مندی کے ساتھ کے ایس ای 100 انڈیکس گھٹ کر 48271 پوائنٹس کی سطح پر آ گیا . بعد ازاں دن میں ایک موقع پر پی ایس ایکس میں 501 پوائنٹس کی مندی بھی دیکھی گئی، تاہم مزید اتار چڑھاؤ کے بعد دوپہر تک پاکستان اسٹاک ایکسچینج میں 431پوائنٹس کی مندی کے ساتھ کے ایس ای 100انڈیکس گھٹ کر 47954پوائنٹس کی سطح پر آگیا . . .
